السلام عليكم ورحمة اللّه وبركاته

وعليكم السلااااااااااااام


أخواتي ,, إخواني ,,

هلاااا حياك الله


ما لكم بالطويلة ,,

اخلصي الله لايهينك


أمس صحيت الساعة 9 صباحاً على غير العادة

الاعتراف بالحق فضيله


وحسيت إن غرفتي مر عليها إعصار , خصوصاً بعد عودتي من السفر ,,
وقلت يبيلها نفض هالغرفة ,,
وفعلاً ..
وتصير الساعة 11 وأربط شال الزعيم على كشتي ,,
وأبدأ باسم الله ,,
وأول ما بديت, بديت بالمكتب.. وما أدراك ما لقيت ,,
بعد التصنيف طلّعت مجموعة من الأشياء اللي ما عدت أحتاجها وحطيتها بكرتون <<< ليه؟؟! اصبروا وتعرفون ,,
بعدين سيّرت على المول اللي تحت السرير, وطلّعت كرتون ثاني ,,
وأخيراً انتهيت بمحبوبتي التسريحة, وطلّعت منها كرتون ثالث بعد صراع نفسي عميق وصياح ,,
وش باقي؟؟ باقي الأرض..
ناديت الشغالة وقلت لها جيبي المكنسة لا هنتي ,,
جابتها ,,
قلت لها خليها وروحي,,
المسكينة قعدت تطالع وفي رواية "تحدق", وأول مرة أدري إن عندها عيون!!
فهمت إنها مصدومة,, قلت لها ايه خليها وظفي ,,
وراحت ,,
مسكت المكنسة "لونها عنابي يجنن" وشبكتها بالكهرب, وأول ما شغلتها طاحت ,,
قلت حتى هي ما صدقت!!
وسويت المعجزة الثامنة وكنست الغرفة ,, وحسيت لو أمي شافتني بتقول كلمتها المعتادة عند حدوث المعجزات: بيموت يهودي!!
حسيت الغرفة طلعت أكبر بعد ما خلصت ,,
وبس


ياليتك كل دايم تصحين الساعه 9 الصباح



طيب! طيب! أدري! تبون تعرفون وش بأسوي بالكراتين,,
لا ما راح أرميها,, بأرسلها لأحدى الجمعيات المختصة اللي توزعها على الناس المحتاجين,,
ويا كثرهم عندنا,,

الغرض من الهذرة اللي فوق,,


غداً بإذن اللّه سأبدأ بالملابس بما إن اليوم إجازة عشان أكتب الموضوع ,,
وأبيكم تبدون معي وتشاركوني الأجر ,,
يعني بإختصار أبي نسوي حملة التخلص من كل شيء لا نرغب فيه ولا نحتاجه, ويمكن الإستفادة منه من قبل أشخاص يحتاجونها عن طريق الجمعيات المختصة وأتمنى من الجميع المشاركة ولو بدعوة ,,
وتخيلوا الأجر اللي ممكن تحصّلونه مقابل تي شيرت قديم أو بنطلون مثقوب.... إلخ <<< يمديكم على "مثقوب"؟؟!
حسنة واحدة ممكن تثقل ميزانك ,,
قال عليه الصلاة والسلام لا تحقِرنّ منَ المعروفِ شيئاً ولو أنْ تلقى أخاكَ بوجهٍ طليقٍ) ,,


الله يجزاك خير
ويجعلها في موازين اعمالك

يااااااااااااااااااارب كل دايم تتهورين
وتطلعين كرااااااااااتين



العذر والسموحة عن الأسلوب العامي وبليز لا أحد يدقق,, لأني كتبت وأنا مستعجلة ,,
وأتمنى ما أكون ثقلّتها عليكم ,,

لا عادي اهم شي المعنى وصل

عندي طلب أخير وهو اللي عنده اختبار IQ بالعربي ينشره مشكوراً هنا ,,

والله مو عندي لو عند كان سدحته هنا


سلامـــ,,ـ

وعليكم السلاااااام