هلا والله اخوي هلالي الجوف ..

تسلم والله .. وصدقني المباراة روعة .. أمس كنت ناوي أحط نقطة يكون فيها نصيحة بمتابعة المباراة في وقت اعادتها بس والله نسيت ..
<== ماودك أحد يكتب موضوع بتالي الليل ..

و بسم الله خلنا نعصر هالنقاط اللي عطيتنا ..

إقتباس زعلنا لعدم نقل الأوربت لمباراة البرسا .. والحمدلله اللي عوضنا بمباراة أحسن منها

بالضبط والله .. ان كنت شايل هم هالمباراة حرام تفوت .. بس والله ديبور وبيتيس ماقصروا ..
شفنا مباراة فيها أهداف كثيرة ومتعة وإثارة ..

إقتباس أحب اضيف عزيزي على تحليلك بعض النقاط :

هذي الساعة المباركة يابعدي

إقتباس # أعجبني اللاعب التكتيكي رقم 14 بالبيتيس ( كابي ) اللي ماقال الحربان اسمه غير لما طلع بالدققيقة 80 واقول تكتيكي لأن له دور كبير بالنتيجة بحركته الدائبة بدون كرة برأس الحربة مع الفونسو .. وفتح المساحات امام دينلسون وخواكين ( الحربان يقول خواكين وانت تقول خواكوين .. وانا ثقافتي مهي اسبانية .. انا ثقافتي ارجنتينية لاتقول ان الارجنتين تتكلم اسباني ) واتوقع أن كابي رايح يسوي شي بالمباريات القادمة خاصة بوجوده بين اربعة لاعبين مهرة ( دنلسون وخواكين والفونسو واسنساو ) .

تعليقي لن يتعدى كلامك .. فأنت كفيت ووفيت .. فقط وضعت الألوان لتمييزها ..

أما بانسبة للحربان فصدقني هالمعلق يطلع طلعات مب صاحية ..
يكفيك جا تغيير في وسط المباراة .. وطبعاً اللغة اسبانية .. وكتبوا على شاشة التلفزيون (تراداس) مدري (تراديس) المهم أن معناها تغيير لأنهم جابوا الاسهم حقت التبديل تحت ..
خوينا الحربان قال: ويبدولي اللاعب تراداس راح يطلع ..
يارجال أنواع المتخرمات مع الحربان .. لاتدقق انت بس ..

إقتباس # مالنكو .. مالاحظت خواكين وهو يركض بالكورة وهو منزل راسه هههههههههههه

انا اشهد انك ذيب .. هو بس لو يرفع راسه عشان يكشف مساحة أكبر كان علوووووم ..
هالنقطة ذي ماتجي إلا من (معلّم تحليل ) ..

إقتباس # الحكم أخطأ خطأ كبير لكن غير مؤثر بالنتيجة بالدقيقة 89 بعد أن اعطى النيبت بطاقة صفراء والمفروض انها لماورو سيلفا وماورو سيلفا عنده بطاقة صفراء سابقة .. يعني طرد .

صدقت وأنا انتبهت للخطأ .. لكن انتظرت اليومين ذي يصير تعديل من الاتحاد الاسباني او شئ زي كذا ..
لأنه عادة اذا ظلم فريق في منح كرت للاعب آخر يطلب الفريق تعديله من الاتحاد ويتم ذلك ..
بس ديبورتيفو هنا ماظُلم بالعكس استفاد كثييير .. أكيد بيسكتون ;) ..

إقتباس # ياحرام يالنيبت على هالمستوى .. شكل الرجال انتهى

معليش ..بهذي اختلف معك ..
الفريق كان كله منتهي ولاتنسى أكثر خط كان منسّم هو الدفاع .. وشئ طبيعي يصير مستوى النيبيت كذا ..
صدقني توه ما انتهى ..

إقتباس # استغربت وانا اسمع ان رئيس نادي ديبورتيفو له 15 سنه .. وان المدرب له 5 سنوات كذا الاستقرار والا بلاش وعلى بالك انهم يطردون المدرب بعد هالأربعه .. والا يقدم استقالته .. ماقول غير الله يرحم الحال . # رغم ان المباراة بمدينة لاكارونا وبملعب الريازور الا ان الجمهور لم يغضب ولم يشتم ولم يخرج .. لكنه بقي بالملعب .. واستمتع بالمباراة لأخر دقيقة

هذي حطهن بكرتون واجدعهن بالمخزن .. والله محد حولك ..
مع ان هالكلمتين تسوى ذهب .. بس ربعنا ماطقو خبر ..

إقتباس # دنلسون لاعب ممتع .. أتمنى أن الكوره ماتفارق رجليه . ويارب يكون للنقل لمباريات البيتيس نصيب .. وكله علشانه هو وخواكين

خواكوين يستاهل .. بس دينلسون لو يترك الأنانية والاستعراض والتأخير في اللعب .. صدقني كان الحين شفته مع فريق أكبر من بيتيس ..
دايم ينرفز الجميع بأنانيته .. بس يجي ويسحب لك سحبتين تبرد على قلبك وتنسى كل اللي سواه ...

مداخله ولا أروع استاذ فيصل ..
وكتابه ولا أجمل ..
ونقاط متميزه .. والله استحيت أكتب بعدك ..

ولي تفاهم خااااص معك على هالنقاط .. بس ذكرني أنت ..
أكرر شكري لك على ردك الذيتضمن الكثير من الإفادة للكاتب والقارئ ..
تحياتي لك ..


هلا والله اخوي سراب الدمع ..
يستاهل تريستان .. بس عاد اذا لعب ديبورتيفو على هالمستوى .. صدقني ماراح حتى يصير من الخمسة الأوائل ..
تحياتي لك ..