هههههههههههههههههههههههههههه ياخي انتم تظحكوون

اتمنى انك ماتزعل من كلامي يالغالي

احس انك محتمس مع فريقك زياده عن اللزوم

كلنا نحب الهلال وكلنا نعشقه

يعني انت تشوف انك تحب الهلال اكثر من الاعضاء والمشرفين اكثر من ابو لما . اكثر من السامي اكثر من الصوت الهلالي الخ الخ من جماهير الهلال الوفيه والعاشقه الي ماقالت ربع الكلام الي قلته

والله اني اقرا الموضوع وانا مبتسم ومغبون
بعض الجماهير تفكيرهم غريب ولا الومهم بس فاهم حب الهلال غلط

يعني انت تشوف بموضوعك انك اصبت الحقيقه
اول خطاء وقعت فيه تذكيبك لرئيس ناديك في كل ردوده وهذا مع احترامي لك فيه عدم احترام لسمو الرئيس وعدم ثقه فيه وفيما يقوم به من عمل وهو الرجل الي طالما وثقنا فيه ووثق فيه اعضاء الشرف ولا ماكان رئيس للهلال الى هالفتره

لاتحسب اني من عشاق محمد بن فيصل ومن الي يدافعون عنه باستماته لا والله انا كنت من المؤيدين لاستقالته لكن لما رجع ووعد انه راح يقدم كل الي يقدر عليه انا باقف معاه للنهايه واكبر خطاء اني انتقده وهو للحين مابداء

ترا لاعبين الهلال مهم اطفال عشان يجي وياقف معهم بتونس صح لو كان موجود افضل بس انتم مسوين زحمه كبيره وسالفه طويله عريضه عشانه ماجا لتونس والي يشوف مواضيعكم يقول ان الاعبين ضايعين يصيحون بالشوارع يقولون وين بابا محمد لا المعسكر ماشي زي ماخطط له واحسن
والاعب الاجنبي انشالله يسجله الهلال باخر ثانيه قبل انتهاء فتره التسجيل ماهمني اهم شي يجي قد الطموحات بالله عليكم وش الفايده جا الحين ولا بعد اسبوع ولا اثنين .. ؟
مدري ليه مستعجلين وكنه بيجي يحرر فلسطين خلوهم على راحتهم والي يرحم والديكم
ولاستعتجلون عليهم ويصير مثل ماصار العام بالفان وباكيتا وغيره


واتمنى انك تتقبل وجه نظري

والسلام عليكم