بسم الله الرحمن الرحيم
حبايبي أعضاء شبكه الزعيم
ايها الشعب الهلالي الكبير>>يبي يلقي خطبه:p
بدخل على الموضوع على طول بدون لف ولا دوران ولا عكسيه ولا أستفهام>>متأثر
بصراحه الوضع الان في النادي الهلال لايسر أي مشجع هلالي غيور على ناديه
في البدايه رئيس النادي ابو سلطان مصيف برى المملكه والنادي في اخر تفكيره
وأذا بدى الموسم بنشوف أبوسلطان ينتقد الجمهور لعدم الحضور
طيب اللحين يا أبو سلطان حنا اللحين مو ننتقدك وبس...يعني النادي قدامه مشاركه مهمه جدا اللي هي
تصفيات كأس اسيا ولازم نتجاوزها عشان نتأهل لكأس العالم للأنديه اللي يعتبر حلم كل هلالي
ولكننا لم نراك حتى الان تفعل شي لناديك
أنا ما ودي اذكر امثله لأنديه أخرى لأننا كلنا نسمع ونشوف عن التعاقدات وللأسف نادي الهلال لم يحرك ساكن
واذا بغينا نتكلم عن اللاعب الأجنبي وما أدراك ما اللاعب الأجنبي فكل يوم طالعين لنا بأسم
وبعض الأعضاء مايقصرون هم ومصادرهم الخاصه اللي كل يوم مطلعين لنا لاعب
بس ياليت يكون الهدوء اللي يسبق العاصفه ونشوف لاعب اجنبي يكسر الدنيا
أتمنى منكم أنكم تعذروني أيها الزعماء على القسوه في الكلام ولكن والله هذا من حبي وعشقي للزعيم
كلمه أخيره"
مازال الجمهور الهلالي بأنتظار سامي ولكن يبدو أن الرياح تسير عكس مايشتهي عشاق سامي
ولكن "ســامــي نحن بنتظارك"