والله شف اخوي ذايب،،،

حنا نحب الامير محمد بن فيصل بس موب اكثر من حبنا للهلال،،،

والامير محمد بن فيصل من نهائي الموسم الي فات الي قدام الشباب وهو الله يهديه موب على خبرنا ،،،

يعني تخبطات اداريه كثيره ، وش الي تجيب مدرب بمبلغ فلاني وتتصدر معاه الدوري وبعدين تقيله، وانت خارج المملكه ،،،

او معسكر العين الي ما جا وراه الا البلاوي ، يجيبون اللاعبين الساعه 12 في الليل ويقولون يلا شدوا حيلكم نبي الكاس ، ترى اللاعبين بشر ياخي،،،

و لا يوم البطولة الخليجية انت عارف انك بتتعاقد مع التائب وانت بتلعب بالصف الثاني يعني محتاجه، ليه ماوفرت بطاقته عشان يشارك معاك، هاذي من غلطته ميب غلطة الأداره،،،

وتغيير هالمدربين الي كان اخرهم باكيتا ، ليه وعشان ايش،،،

بتقول ضغوطات من اعضاء الشرف ، ابقول لك اوكيه بس ترى محمد بن فيصل لازم يفهم انه هو رئيس النادي وهو الي في وجه المدفع ، واعضاء الشرف اذا دفعوا خير وبركه واذا لا فا ارجع اقول انت رئيس النادي،،،

على العموم ان اختلفنا نتفق على حب الهلال،،،

والله يقدم الي فيه الخير