لا اعرف من اين ابدا

لكن الاحظ هاليومين الشباب بالمنتدي يطالبون بالاعب الاتفاق العمري في خانة الدفاع وعمره 19 سنه
ويمدحون فيه
وخيرات موجود عندنا ومستواه مثل العمرى ويمكن افضل الفرق الوحيد بينهم العمرى اخذ فرصه وخيرات ما اخذ فرصه ولا راح تعطونه فرصه خطاء واحد في مباراة وتنسقونه ونفس الكلام ينطبق على الطريدي تطالبون بالطريدي ونور موجود عطوه فرصه
جمهور الهلال وخصوصا ابطال المنتدي مايقصرون كل يوم ظامين لاعب ومنسقين لاعب وجالسين يتخيلون التشكيله تخيل(( تشكيله الفريق الموسوم القادم عطني رايك))
الواحد منهم متكي قدام الشاشه وجالس ينتقد وينسق لاعبين ويشترى لاعبين ويتخيل تشكيله لو تسال واحد منهم وين مقر النادي ماعرف يوصفه
نبي نقد بناء نبي وقفه مع الاعبين الصاعدين نبي نعطيهم فرصه مبارة وثنتين وعشر وموسم كامل نظحي به عشانهم
بس نبني جيل يحافظ على اسم الهلال نبي عيال النادي مانبي لعيبه معارين اومنتقلين من اندية ثانيه
(( ماحك جلدك مثل ظفرك))
وشوفو مرزوق والواكد وكريري والدوخي مع الاتحاد والله ماهمهم فاز الاتحاد او خسر اهم شي مقدمات العقود وخذوها والباقي ان جا زين وان ماجا وش على منهم مانبي لعيبه من برا النادي الا محترفين اجانب على مستوي عالى والخانات الباقيه ابناء النادي مايقصرون عطوهم الفرصه وماراح تندمون
((الدعيع الصغير -خيرات-نور-الدوسري-الكلثم-الفريدي-الجمعان فيصل-فهد مبارك-شراحيلى-سعد ذياب-الصويلح-العنبر -الخراشي-))
نجوووم ينتظرون الفرصه و الدعم ((((والصبر)))) والقائمة تطول فيه نجوم ماتحضرني اسمائهم نجوم واعدين اتمنا تعطونهم فرصه
صدقوني هم مستقبل الزعيم ونا اراهن عليهم بشرط تعطونهم الفرصه مثل ماعطيتو عزيز اول مابدا بالهلال ومثل العمرى بالاتفاق
عزيز من منكم يتذكر بداية عزيز فالهلال بدايه سيئه تذكرني بالهليل الان
والان عزيز اساسي بالمنتخب والهلال و وسط الهلال يتاثر بغيابه
اعطوهم الفرصه واصبرو عليهم وابعدو المستهلكيين امثال ((المفرج والخثران وتركي الصويلح وحسن العتيبي وياسر الياس والعنقري والجري ))
اعطو النجوم الصاعده فرصه مثل ما عطيتو سامي والتيماوى وصدقوني ماراح تندمون
لاتقتلون الهلال بانتقاداتكم الهدامه تنتقد لاعب لمجرد خطاء في مباراة تنتقد لاعب لمجرد اظاعتة لظربة جزاء تنتقد لاعب لمجرد خسارة مباراة تنتقد لاعب لمجرد انك تكره او ماتهظمه(( حسين العلى )) الكل ينتقده مع العلم انه هداف الفريق فى وقته وهو احتياطي لكن اظعناه بسبب غير منطقي تبون لاعب يسحب ماتبون هداف حسين العلى مثل حمزة ادريس لاعب هداف فقط وهذا هو المهم ينزل يحسم مباراة



امنية:ــ اتمنا يكون من شروط الكتابة بالمنتدي العمر مايقل عن 23 سنه ــ
مع احترامي وتقديري للجميع

عموما:
اتمنا من ابطال التخيلات مايزعلون على انا قلت هالكلام حبا فالهلال وليس كرها لهم

تحياتي
هــــلالــ دم ــي