|
مــعـــقــــولــــه يا نــاس !!
وش اللي قاعد يصير فالنادي !!
معقوله يصل فينا الحال لهالدرجه !!
وين الصفقات ياهلال .. وين تدعيم الصفوف ؟
بصراحه تعبنا تعبنا من الاخبار المتكرر كل يوم ... مفاوضات و مفاوضات
نفاوض لاعب مدة شهر وفالاخير تعثرت المفاوضات
مسألة الانتقال مسأله واضحه .. اذا فاوضتوا لاعب ما وده يجي او ادارة ناديه حاولت اقفال الموضوع ليه نروح ونجي فيه !!
خلاص .. اتركه وفيه مليون غيره .. رحنا وجينا و عملنا ازعاج فالجرايد على الخيبري و ماصار شي
والان موضوع الطريدي ..
يااخوان ياحبايبنا ياادارة النادي.. حنا مانبي لاعب محلي يجي بمبلغ 5 مليون او سته ..
نبي بالمعقول لكن هذا مايعني انك تدفع بس 50 الف في لاعب ممتاز وشاب ومستواه رائع !!
بودنا تكون عندنا ادارة قويه في كل شي .. في تعاملها مع صفقاتها وفي تعاملها مع الانديه ..
مانبي كل من هب ودب ضحك علينا مثل الياقوت و ربعه ..
ادخلوا فالمفاوضات وبقوه واحسموها من البدايه ولا تقول لي تسرب الخبر و الا دخلت انديه ثانيه .. ان شاء الله تبي تفاوض احسن اللاعبين والانديه تتفرج عليك !!
لا والمصيبه اخر ماسمعناه ان البلطان خرج من صفقه الطريدي بطلب من سمو الامير عبدالعزيز بن سعود (الله يحفظه) ..
هل هذا احتراف يا ادارتنا .. نطلب من فلان وفلان اطلعوا من الصفقه الفلانيه !!
صحيح اننا مانبي مزايدات مجنونه لكن انظروا للأنديه الاوروبيه .. وش المشكله اذا كان اكثر من نادي داخل في عرض على لاعب معين !!
حنا اللي علينا نقدم العرض القوي اللي نقدر عليه ومهما صارت مزايدات .. راح تكون عندنا نقطه نقف فيها عن المزايده .. هذا هو الصح ..
اما اذا دخل نادي ثاني نطلع فهذي مصيبه ..
شي طبيعي دخول الانديه فالعروض .. اذا على هالمنوال ماراح نتعاقد من احد ..
والا راح يجلس لنا فلان وفلان في اي صفقه ندخلها .. هو يدخل وحنا نطلع .. وماراح ننتهي !!
::
اتمنى اتمنى اتمنى وكما يتمنى كل هلالي نبي صفقات قويه ومايهمنا من يدخل فيها .. ياخوان حنا هلااااااااالييييين ومايرعبنا هذا والا هذا والتاريخ خير شاهد ..
افعلها يبو سلطان واجلب اللاعبين اللي نحتاجهم
ومهما طلبنا منك اعذرنا .. لأن حبنا للهلال يخلينا نطلب اكثر من كذا
وحنا معك اولاً واخيراً فالحلوه والمره
والله يكثر من الايام الحلوه .. آمين
تحياتي
عـــشـــق الــكــتــابــه
::
اخر تعديل كان بواسطة » عــشــق الــكــتــابـه في يوم » 23/06/2007 عند الساعة » 05:07 AM | 