ماني خبير بالألعاب لكن هاللعبه رهيبه وإسمها Fallen sword
وفكرتها بسيطه إنك تمشي وتذبح الوحوش وتكسب خبره علشان ترفع الدرجه الي إنت عليها
ولما تقتل الوحوش تكسب ذهب علشان تشري فيها معدات أحسن
وفيه سوق للقطع تقدر تشري وتبيع بمكاسب حليله إذا عرفت الأسعار وكنت صبور شوي

المهم بعد ما يتطور مستواك تبدى اللعبه تحلى
اللعبه فيها مجموعات وإذا قدرت تدخل بمجموعه قويه راح تلاحظ إن المجموعات تعطيلك مزايا تقويك وزياده بعداداتك ومساحه أكبر تحفظ فيها مشترياتك وزملائك بالمجموعه يساعدونك على الوحوش

ولما توصل لمستويات أعلى تبدى تدخل بحرب اللاعبين لأنك ممكن تذبح لاعب ثاني :p بس هاللاعب بعد ما تذبحه ممكن يحط علي إسمك إنك مطلوب ويحط على راسك مكافئه للي يصفقك ;) ويتجمعون عليك اللاعبين القووين ويورونك شغل الله ويخلونك عبره لمن لا يعتبر يوم إنك تستقوى على غيرك

وممكن تسوي لك مجموعه خاصه فيك لو حبيت

وهالمجموعات يكون بينها تحالفات وأحزاب وكل فتره والثانيه يكون فيه حروب كبيره بين اللاعبين يسمونها حروب المجموعات لوووول

المهم اللعبه روووووووعه ومسليه وميزتها تقدر تلعبها من المتصفح نفسه وممكن توقف بأي وقت وتكمل بعدين

هذا رابط اللعبه إرعص هنا

طبعا لو دخل أحد وسجل بيعطوني ذهب داخل اللعبه علشان أشري فيه قطع أحسن وأقوي لاعبي وممكن بعد ما تسجل تعزم ربعك معاك بعد ;) والي عنده سؤال عن اللعبه ممكن بعد ما يسجل فيها يضيفني على قائمة أصدقاءه ويسألني إذا أنا موجود أون لاين

المهم لحد يحطني على قائمة الأعداء ترى بيضيق صدري

اللعبه فيها عذروب واحد إنها بالإنجليزي بالكامل بس ما أتوقع إن هذي مشكله كبيره للأغلبيه لأن اللعبه ميب صعبه