مع الوحــده بسبب هدف قمطت ع الكرسي ويالله يالله بلعت ريقك بس عقب وشو !! عقب ما طعجت رجلين الكرسي !! يالله حقوون رعاية الشباب بيعضونه بكرسي ثاني بس عشان خاطر عيونك اللي صارت تسنها شمعات زينون عقب هدف المحياني ( وجه يناظر التونسي ويستفسر عن كلمة حقون !! ) يتورالي جمع حق لأن الريّس خاف يقول حقوق ثم يصدر بيان من الحقوق المدنيه بشجب تصريحه فقال خن اخرش السالفه ما يصير حقون رعاية الشباب والحقوق المدنيه كلها عليا !!

ياهوه داهيه ذا التونسي بس لو انه مزوّد ثلاثه مليون على عقد الزهراني تسان شرى الشهراني حق النصر اجل يبي ثلاثه مليون !! مهوب هيّن ميسي العرب مير سمعت ان وقع بمليون !! ايه ما يخالف ربعنا حقون ديسكاونت


النهائي وما أدراك ما النهائي

متخيّل البلوي قاعد بالمنصه وموّصل بشتين في بعض وحاطهن على كتفه ( يسمع بالاتيكيت الله يصلحه ) وفاك ازارير الثوب كلبوها اذا قدام الوحده بلعومه قاعد يناقز وفاك ازرارين اجل شلون مع الهلال بيفك كلبو الازارير عشان يهبهب شعر صدره ما ينلام ياهوه بينحشر ان قالها الله احس انه من عقب مباراة الوحده ماخذ طريق المطار رايح جاي رايح جاي يوصل لين صالة المغادرين ثم يتذكر جمهور الهلال ويهوّن ويعوّد لبيته وينخمد له شوي ويقول لا لا ما يصير انا ابو ثامر ويلبس بشته ويدرعم للمطار ويوصل لصالة المغادرين ثم يهوّن ومن يوم الخميس لين قبل نص ساعه وهو ممتر خط السريع بالماي باخ حقونه <-- يا شين اللي يسمع حتسي اهل الحجاز ويحسبنه يركب على اي جمله وعلى خبري هالحين متجه لبيته ويمكن بعد ساعه يرجع المطار يا بتجيه ام الركب في الاستاد بس اصبروا عليه وابيكم تراقبونه وهو يهز راسه مع كل هجمــه هلاليه شوي وينطح اللي جنبه يا عيال سمعت انه يلبس برشوت في المباريات الهامه عشان لا نسى نفسه يكون عامل حسابه خخخخخخخخ

الزبــده ما ودي ابثركمـ مير ودي انفس عن ما بداخلي من حماس لدرجة ان ودي انطلدز للاستاد هالحين