خخخخخخ الله يرجك
انا صار لي موقفين :
الاول : كنا طالعين من الخبر ورايحين لشاطي نصف القمر (الدمام) وكانت الساعه 8 الصباح ومواصلين من امس مانمنا!! المهم ..اربعه في السياره ...اللي يسوق واللي جنبة واللي ورى وانا ورى السائق
المهم ..الشباب دايخين فيهم النوم ..الاثنين ناموا...والاخ مسرع مره يمشي 160 - 180 !!! وفيه النوم بعد ّ!! وانا اقول له ياابن الحلال هد وش طاير عليه !!؟ لاحقين على رجه الهالف مون
المهم ...وانعس انا ..وشوي ينعس هو ..ماندري الا ...طرخ طرخ طرخ ططط دووووووووف ...والعيال قاموا مرتاعين وش فيه وش فيه !! ماندري الا الخبل مخشننافي الرصيف (زين الله ستر لف في اخر لحظة) والا كان اكلنا العمود حق الكهرب!!
المهم واحد معنا كان راكب ورى ..قام وهو يصارخ : وش فيه مجنون انت ؟؟ ماتشوف؟؟(لهجته كنه وده يبكي)
ماينلام والله
المهم ..قلنا والسواه ياولد....ونقعد على الشارع ننتظر احد ينقذنا ..واشكللللل !! ياولد يمين يسار واشكلللل ...! يؤ ..اشوى جاب الله لنا ذولاك المطاوعة (جزاهم الله خير) والله شقردية اثرهم
ويفكون ويساعدون معنا -------> الكفر راح وطي كلة ولا معنا عده ....! الجنط سلم لي عليه انعفط!! وحنا نركب نناضر سواقنا نقول له : لابارك الله فيك انت ويا سواقتك ياابو النوم
المهم لا من قوه الوجة واصلنا مسيرنا للهالف مون *:*
بس هالمره طار النوم مننا ...
الموقف الثاني : هذا صار لي هنا في الرياض ..في الاختبارات النهائية ..كنت في الصف الثالث المتوسط سنة 1417 هـ
المهم كان علينا مادتين (فقه - نصوص(ادب)) الزبده ...الفتره الاولى نصوص ..الفتره الثانية فقه ...وانا من يوم دخلت المدرسة في الساحة واراجع وحالتي حاله وانا ماسك كتاب فقة) ..!! ناسي طبعاً...وخاش جو وكلش تمام حفظت كل شي ..المهم مااسمع الا تررررررررن رن الجرس ..يله ياولد على القاعه ...وانا واقف اذاكر (في الوقت بدل الضايع
) مادرت الا خويي مار من عندي ..يقول : هيه انت يالمبهول! وش تذاكر؟؟ قلت : اذاكر رياضة!!! وش شايفني اسوي؟؟ قال : يالمنسم علينا الحين اختبار نصوص!! منتب عاقل والله...لاوواثق بعد !! ويروح يدخل القاعه وهو يضحك علي !!
انا وقتها حقدت على نفسي
يووووة والله الورطة من طلعت من البيت ماراجعت ولا كلمه في النصوص ...يله توكل على الله .وسم بالرحمن.وادخل وتوصلني الورقه وابدا اتنافض -------> خووووف ..واقرا الاسئله يوم ارتحت وهديه يابعدي والله يااستادنا
اسئله سهلة
واحل واحل واحل واسلم الورقة واطلع من الاختبار وخويي ذاك لسه ماطلع !! خخخخخخ يااني ضحكت عليه
بالاخير الحمد لله نجحت في كل المواد الا الرياضيات (يلعن اصل من اخترعها ياشيييييخ
) اخذت فيها دور ثاني والحمد لله نجحت
خويي رد الضربه لي لانه نجح في كل المواد من الدور الاول!!!!
---------------
تحياتي واشواقي
[عدلت بواسطة جابر العثرات التاريخ:19-02-2001 الساعة: 06:16 AM]