السلام عليكم ورحمته وبركاته

صباح_مساء الخير للجميع

كلنا افتقدنا يوسف الثنيان وتعليقاته وتحليله الرائع والمظحك في نفس الوقت
وأنا اليوم جايبلكم جميع رسائله وتحليلاته لجوال الزعيم اللي بالموسم الماضي...


بسم الله نبدأ

الهلال&&النصر
يوسف: المباراه كانت حذره.الهلال اراد النتيجه والنصر أراد اثبات وجوده..هدف
ياسر من المفترض يلغى (لأن الحارس كان مضيع مفتاحه وجالس يدوره!!!
رجل الخط بالشوط الأول احتسب تسللين على الهلال شكيت انه كان يتابع المباراه بالأذاعه
الهلال فاز بأقل مجهود وضياع فرصه السهله اعطت للنصر جرأه أكثر
..أول ماشفت الجماهير قمت اسخن وانتظرت كاندينيو يدق علي بيجر!!@



الهلال&&العين
يوسف:العين تفوق بالأسلوب الظاغط وتقارب الخطوط واللعب على الأطراف
والهبوط المفاجئ بمستوى العناصر القياديه ادى لنزول مؤشر الفريق
والأمل ان شاءالله نشوف ارتداد سريع للمستوى,,((ذبحتنا الأسهم))
,الدعيع مبدع كالعاده وأثبت انه الحارس السعودي الاول بعد الدوخي!!
عموما راحت جوله وباقي خمس جولات ومجال التعويض مفتوح بشرط الاستفاده من
الاخطاء


الهلال&&الأتحاد
يوسف:ضاعت الفرص السهله وضاع الفوز عارضة كماتشو وفرصة العنبر
وانفرادة القحطاني والصويلح اهداف محققه كانت ستنهي المباراه,,عدم استقرار اللاعبين الدوليين أمر لم يساعد المدرب على الأطلاق,,,عودة التمياط القويه
أهم مكاسب الهلال وعودة الجروان اهم مكاسب الاتحاد!!
مؤشر الفريق ارتد ولكن قرارات لجنة الحكام ماساعدت!!!الظاهر طاقم التحكيم كان يحكم مباراة ركبي!!!!!




الهلال&&القادسيه

يوسف:خسر الهلال النقاط وكسب الروح والمستوى والوجوه الشابه رغم النقص شاهدنا الفريق بوجه مختلف,,,اثبتت المباراه ان الهلال يملك أكثر من فريق المدرب
تغييراته شئ بصراحه والموري عليه ان يعرف انه الوحيد في الهلال الذي يجيد
اللعب في الأطراف واذا استمر بهذا المستوى فخانته شبه مضمونه
القادسيه وش دعوه؟بعد ماشفت واحد منهم ساجد شكر بعد المباراه تذكرت آسيا88





الهلال&&الشباب

يــوسف: الفريق استعاد هيبته الدفاعيه بتألق المحاور والدفاع وطريقة اللعب المتزنه
والصراحه الدعيع كان مرتاح والمفروض المدرب طلعه ولعبو آخر واحد حارس
منذو مبطي والهلال مايعرف يستغل النقص,,تصليحة جيوفاني للهدف جعلت البحري يعد كشافات الملعب اللي فوق من المناظر..الياس واصل من هذا وأكثر..الجمعان اذا نزل تشم ريحة السنتره...جمهور الهلال عسى ماشر!!مبروك وعقبال الكأس



يوسف:الحظور مجاني وممراتكم 3و4و5 المؤديه الى البوابات 21 و39 جمهور الاعتزال ابيه الجمعه..مع الهلال امتعتموني داخل الملعب وأبيكم تمتعوني وانا معكم في المدرج
الوعد المدرج الجنوبي يازعماء(يمدحون اللطمه)على فكره كلمة (المؤديه) ناقلها من جوال الهلال!!



الهلال&&الأهلي

يوسف:الزعيم وبطريقة الكبار حقق البطوله,,حارس عملاق ودفاع متماسك ووسط منظم
اعتبرها خلطت النهائيات(مقادير طبخه)الأهلي رائع بس الهلال نشبه في النهائيات
هدف نواف قد ركبه علي ولدي عبدالعزيز في البلاي ستيشن,,حارس الأهلي احس انه طال شوي بعد الهدف,الله عليك يالجمعان دفاع الأهلي افتكو من تشويتك من قدام
وتطلع لهم بمزعه بالكعب!! مبروك الهلال يابطوله!!



الهلال&&ماشال الاوزبكي

يوسف: الهلال بالبديل الجاهز سيطر على المباراه وحقق المطلوب وخاصه كمية الأهداف
ارتاح ياسر وعمر ونواف والخثران والمفرج والدعيع ومع كذا ماشال ما ارتاح!!
الموري بالظهير الأيمن نجم قادم بقوه,,جيوفاني شايب ذكرني بشبابي وحارس ماشال اعجبتني نزعته الهجوميه من كثر مايتقدم ومفروض من الأول يقول((مامعنا سقاطي))
مبروكـ النتيجه ومستوى البدلاء



الهلال&&الأتحاد((المربع الذهبي))

يوسف:مباراه مثيره امتلك الهلال اكثر فتراتها بسبب تفوق خط الوسط والتنظيم الدفاعي
...عزيز مبدع وسمعت انه مراقب نور لحد الطياره,,ياسر ماله امان واسألو تكر ومنتشري ,,الشلهوب ماتدري من وين يطلع لك ليت كل اللاعبين بموهبته,,الجمهور خرافي ولو فيه سعود الحماد كان جاب هدف دبل كيك من الحماس,,الف مبروك النهائي والسلام على الملك




الهلال&&الشباب(((نهائي الدوري))

يوســف:ماعاد فيها تحليل! الزعيم ماكان في يومه والشباب يستاهل,,الارهاق وظغط المباريات عوامل أثرت الهلال ضربة جزاء وهدفين في خمس دقايق ضيعت المباراه من الزعيم,,, الخساره تضيق الصدر بس الحمدلله 6بطولات من أصل7 في موسمين نعمه كبيره تبي شكر خسرنا مباراه وكسبنا ادراه واعيه غيركم يتمنى ربع بطولاتكم
وانا اعتبرها حركة تصحيح وجني ارباح,,سهم الزعيم قيادي يازعماء





الهلال&&العين((الرياض))

يوسف:الزعيم تفوق على العين والظروف والتحكيم والاتحاد الآسيوي,,والجمهور تفوق على الجو الضبابي,,الحكم يبيله مرصد فلكي حتى يحتسب بلنتي للهلال,, الجمهور روعه وأشوى انهم مايفرضون عليه راحه ! كل شي صار يتقلب هاليومين!!الجو والأسهم وحارس العين!!سامي أكد ان الكبير كبير والعبدالسلام قادم بقوه وياسر مبدع حتى بتصاريحه,,ومبروك الفوز وعقبال التأهل.





((ابو يعقوب ومقتطفات من نهائيات كأس العالم))


ألمانيا:يذكروني بالبنز القديم,,قوه بدون انسيابيه

انجلترا:جمهورهم مندفع اكثر منهم,,تنقصهم اللمسه الأخيره

الأرجنتين:ياحبي لهم متعه,,ما أدري اتابع الطقم والا ربطات الشعر!!

ساحل العاج:على لياقتهم بيلاحقون الكوره بالمدرجات,توقعت بعد هدفهم يطوفون
بالمضمار

البرازيل:تشكيله ماتجي الا في البلاي ستيشن واللعب لك عليه


بولندا الفريق كوم والحارس موك,,مفروض يتأهل لدور الـ16

هولندا:فريق منظم خصوصا؛بالمزعات,,كل شي مزع مابقى الا السنتره!!


ايطاليا:كل شي حلو بس ناقص كلمة قراندي بالذهبي على الطقم
((هذي احلى وحده حقت ايطاليا))


والحمدلله على السلامه خلصت