اخي الحبيب الهاوي ..

أسأل الله العظيم رب العرش العظيم أن يشفي والداتك ويحفظها من كل مكروه ويلبسها ثوب الصحة والعافية ..

آمـــين .. يارب العالمين ..

وحقيقة موضوعك مهم اخوي الهاوي راعي الهايلكس 88 ...


ياشيخ اروح كشنة مع االهايلكس وش رايك تمرني عليه ;)


بس عاد كبيرة أصالة وخالد لو قلت بشير وبن سعيد ورجاء بالمليح :بلعناها ههههههههه

الموهم ..;)

والله من جد الزمن هذا الدراهم تتطاير فيه تتطاير الرؤوس في معركة طاحنة >>> عليك تشبيه


وانا ماينتصف الشهر الا أحس بالطفرة وفي تاريخ 20 ابدأ الاعتكاف في البيت هههههههه


عاد اهلى واخوياي المقربين اذا شافوني جالس في البيت يدرون اني مطفر هههههههه

وفي ها الاوقات اقول ما لك الا الزعيم وأعضاءه تطقطق على روسهم

ووتطلع الموضيع والافكار مع الطفرة ههههههههه

الا علا طاري 100 ريال والصراف في سالفة صارت لي قبل شهر بسدحها هنا ...


أتفقنا مع بعض الاصحاب اننا نطلع الخميس الصبح نفطر سوا في أي مكان من الاماكن

أحد الشباب قال انا الخميس ما اقدر .. قلت له ليه .. قال معود نفسي اني اصوم كل خميس

في تلك اللحظة قلت اجل نصوم كلنا ونفطر سوا .. طبعاً القرار كان قراري بدون ديمقراطية ..;)

و الموضوع هذا كان اخر الشهر وانا طفران بس وعدتهم إن الفطور علي

وادبر كم قرش واشتري فطور وانا في طريقي رايح للشباب العصر بنشر كفر الموتر ..

عاد انا وقفت واتصلت على واحد من الشباب يجيني وصرت اتمشى حول السيارة

واشوف قدامي جهاز صراف وادخل فيه أبرد على قلبي وانا متكي داخل شفني السكيورتي ..

عاد سويت نفسي اسحب ;) وانا كان عندي بطاقة للبنك البريطاني قديمة .. ومتأكد انها ما فيها ولا هلله :p

وادخلها أبي اشوف هي تكنسلت والا باقي ما ألغوها وكانت المفاجئة ..

القى في الحساب مائة ريال ونيف عاد سحبت الميه على طووول قبل لايهون الصراف خخخخخ

طبعاً اعتقد ان لولا ها الموقف والصوم والفطور كانت الماية راحت في خبر كان ... ;)

وعلى قولتهم كل بنشرة فيه خيرة ههههههههههههههههههههه

مشكور اخوي الحبيب الهاوي على موضوعك الجميل والمنعنش ..

برايفيت الهاوي ;)

الا ودي اسألك وين احصل شراب النوني ههههههههههههههههههه :D

دمت بخير وعافية ..

والله يرعاك ,,,