الســـلام عليكم ورحمة الله وبركــاته .....
كيف الحــال يا زعمــاء و يازعيمــات ....؟؟؟
انا طبعا زي مهوب واضح من مشاركـاتي عضو جديد ...
لكن من المتابعين لشبكــة الزعيم كمتصفح ويمكن احد يجي يقول من انت توك مسجل وجاي تتكلم .... بس ما يخالف جاز لك كلامي والا اسفهني ولا ترد
يا شباب الزعيـــم اكبر نادي جماهيريه بالمملكــه واللي يقولك لا حط اصبعك بعينــه وقل شف جوال الزعيم و شف منتدى الزعيم ...
وبينطم ويسكـــت .... ويمكن الظغط على الشبكه هو اللي يخليها كذا ...
<<< يدور عذر لعمــره
مهوب هذا الموضوع اللي بتكلم فيـــه ....
الموضـــوع اللي عليه الكلام انه في نقاط سلبيه بالمنتدى واخص منتدى الجمــاهير
* اول شــي ليش ما يكون عندنا تقبل لوجهة النظر الاخــرى ؟؟؟
يعني تلقى عضو يكتب موضوع ينتقد شخص معين او يثني على شخص معين يجي واحد ما اعجبه الكلااام ..
يبدا انت ما تفهم بالكوره انت وش عرفك بالكوره حنا نعرف الكوره وانت ببطن امك وانت مدري وشو والا يطب فيـه يااااااااااا ايها المندس ؟؟؟ <<< وجع
اذهب بعيدا ايهــا المندس ... ثكلتك امك ايهــا المندس :p
علشانه ما قال اللي تبي يطلع مندس ...
يا شباااب كبروا عقولكم شوي كلنا نحب الهلال وكلنا نبي مصلحة الزعيم وكل واحد يشوف ان وجهة نظرهـ هي اللي بمصلحة الفريــق وهي اللي بتفيد الفريق ...
وجودنا هنا ما راح يغير شي مجرد اننا نجتمع مع ناس يجمعنا بهم حب الزعيم نتبادل اراء ونكتب اللي بخواطرنــا للزعيم ونعبر عن حبنا للزعيم ...
* ثاني شي كثرة المواضيع في نفس الخبــر يعني تلقى واحد كاتب موضوع و98907897
موضوع تحتــه كلها نفس الخــبر ....
* ثالث شي يعني اوقات مباريات الزعيم ليش ما نخلي ادارة المنتدى هي اللي تهتم بتقديم المباريات ولا نقعد نكتب موضوع من اربع كلمات ؟؟؟
يا شباب المباراة على اي قناة منقوله ؟؟
يا شباب من اللي بيعلق على الاي ار تي ؟؟
يا شباب محمد لطف بيلعب اليوم ؟؟
ياشباب خالد الفرحان بيوقع مع الهلال ؟؟
ياشباب من احسن حسين الحبشي والا ماجد المرشدي ؟؟
يا شباب لو جاء بلنتي من بيشوته اليوم ؟؟
ياشباب كم عمر كاكا ؟؟
والا في حل ثاني ليش ما نفتح موضوع واحد يصير خلال وقت المباراة نقااش للاعضاء عن مجريات المباراة ... ؟؟
بدال مهوب كل شوي موضوع نازل ...
الغوا عقد الفان ؟؟
لعبوا فهد مبارك ؟؟
طلعوا فهد المفرح ؟؟
تعاقدوا مع اسامه هوساوي
!!
لازم يوردانسكوا يدرب الهلال ؟؟
احسن فــلم بالعالم تكسي ؟؟
والله يا ناس اني اعرف اعضــاء واجد ابتعدوا عن المنتدى بسبب المواضيع والنقاط اللي كتبتها لكم وو الله اني ما كتبتها الا من حبي للمنتدى واعضاءه اللي ما جاء الا من حب الزعيـــــم ....
اســف اذا كنت طولت عليكــم وابثرتكم شوي
