|
][ .. المستـوى المأمول في نظـرك ؟ .. ][
/ بسم الله الرحمن الرحيم /
يسعد مسـاكمـ / صباحكمـ .. زوار واعضاء الشبكه الغاليـه ..
( يحلفون وانا اضغط على ايقونة اضافة موضوع جلست انفخ الغبار ساعه ) 
مالكم بالطويله ..
بـ صراحة زمان عن الشبكه .. وعن المواضيع والردود .. وحبينا نسترجع اللياقه شوي .. نشارككم بـ موضوع بسيط ..
ان شا الله يعجبكمـ ..
كني بكم تقولون الكاتب يسمع بـ المقدمات .. و ودكم اختصر وابدا بالموضوع ؟
//
:: 2006/2007 ::
موسم انتظره كثير من عشاق المستديره .. وكل بـ سبب الانتدابات والانتقالات اللي شفناها في الصيف
سواء ً لـ الفرق الكبيره او المتوسطه و الصغيره ..شفنا اللي يهايط بـ فريقه قبل بداية الموسم .. واللي من زود الحماس
شاري تي شيرت فريقه وتلقاه لابسه ويلعب فيه بالسوني يقاله بيحلل قيمتها
تقريبا ً الموسم قرب ينتهي .. وويمر بـ وقت " الذروه " الكل متحمس يعرف هوية البطل لـ كل دوري .. بـ حكم تقارب
النقاط في الاسباني .. والانجليزي بعد الجوله الماضيه صار فيه اعادة نظر بالترتيب .. اما الكالتشيو خالصين منه بـ حكم
ان الانتر في الطليعه بـ فارق نقاط كبير .. والمنافسه هناك ع المركز الـ 3 والرابع ..
شفنا الفرق ومستوياتها .. وشفنا الظروف اللي مرت فيها .. بعد الانتدابات طبعا ً .. الصيفيه ..
وبعد التعزيز في ( ميركاتو يناير ) .. وحبيت اتكلم عن المستوى اللي كان متوقع منها قبل بداية الموسم .. والمظهر
أو " المستوى " اللي طلعت فيه في الموسم ونسترجع نتايجها ومشوارها الى الان ..
( طبعا ً الكلام راح يكون على بعض الفرق الكبيره .. لاني لو بتكلم عن كل الفرق عز الله محد بـ يطب الموضوع
واكيد لـ نترك المجال للاعضاء يضيفون اللي عندهم )
نبدا بـ // الليغا // :
][ برشلونة / بطل أوروبا ][
الكل توقع قبل بداية الموسم ان بطل اوروبا راح يستمر في المستوى اللي ظهر عليه في الموسم الماضي ..
لكن تفاجأ الجمهور بـ انتدابات " خجوله " للفريق ..
كانت لـ ( غوديانسن ) من تشيلسي .
( ليليان تورام ) من يوفنتوس .
( زامبروتا ) من يوفنتوس .
بدأ الموسم بـ بطولة سوبر اسباني .. حصل عليها الفريق من اسبانيول وكانت البداية ممتازة ..
بعدها خسر الفريق بطولة السوبر الاوربي ضد اشبيليا بـ ثلاثيه نظيفه .. فاجأت عشاق الفريق ومتابعي المستديره .. !!
لعب الفريق في كأس العالم لـ الاندية .. وخسر النهائي امام انترناسيونالي بـ هدف نظيف .. !!
( ثاني بطولة يخسرها الفريق هذا الموسم )
صارت المنافسه تقتصر فقط على ( الدوري + الكأس + الـ CL ) ..
طلع الفريق من دوري الابطال .. وهو متصدر الليغا بـ فارق نقطه عن ملاحقه اشبيليا .. و واصل لـ نص نهائي الكأس
وبيلعب قدام خيتافي ..
//
هل هذا هو المستوى الذي كان مأمول من الفريق ؟
الفريق عانى من " لعنة الاصابات " لأهم عناصره .. واكيد راح يختل توازنه بعد الاصابات .. بس كان مقدم نتايج جيده
بدون مستوى مطلوب .. المدرب الهولندي رايكارد .. يدخل في اكثر من مباراة بـ تشكيلة جديده .. اغلب الاحيان
ماتنتهي بـ نتايج ايجابيه .. واقربها مباراة سرقسطه .. !!
هذا برشلونه / أول فريق كان مخالف لـ التوقعات في بداية الموسم .. وطلع من 3 بطولات وينافس على بطولتين
بـ مستوى متذبذب .. وقلة استقرار في الجهاز الفني ..
# بـ نظرك .. برشلونه وش ينقصــه ؟؟
* * * * *
][ ريال مدريد ][
النادي الملكي .. قبل الموسم كانت استعداداته كبيره .. وغير متوقعه ابدا ً ..
تغير الطاقم الاداري بـ الكامل ..
وبدت الانتدابات تتوالى على الفريق .. بداية من المدرب الداهية الايطالي ][ فابيـو كابيلو ][ .. واللي شخصيا ً
يوم دريت انه جاي .. خفت بس مو مره
بعد كذا عزز الهجوم بـ فان نستلروي من مانشستر ..
وايميرسون + كانافارو ( افضل لاعب في العالم )
من نادي اليوفي ..
مامادو ديارا من ليون الفرنسي .
خوسيه رييس من الارسنال
هيغواين + غاغو في ميركاتو يناير ..
كل هـ التعزيزات كانت أكيد توحي بـ إن الريال قادم بقوه بعد غيابه عن البطولات 3 سنوات جافه .. لكن مستوى الريال
ظهر بـ المظهر اللا متوقع سواء ً من الاداره أو اللاعبين او حتى الجهاز الفنــّـي ..
صارت الصحافة الاسبانيه [ الماركا + الآس ] تهاجم الفريق بـ قسوه وخصوصا كابيلو على سوء ادارته لـ الفريق ..
وسوء النتايج والخروج من الـ CL .. والكاس .. والمستوى المتذبذب في الليغا ..
لكن فرصته لـ الحصول على الدوري كبيره .. في ظل تقارب النقاط بين اصحاب المراكز الاولى ..
# وش الاسباب اللي خلــّـت من الريال يظهر بـ هالصورة " عكس المتوقعه " بـ نظرك ؟
* * * * *
// البريمر ليـغ //
][ مانشستر ][
فريق كانت انتداباته قليله .. جدا ً .. بل انه استغنى عن هدافه الاول الرود لـ ريال مدريد .. والمفروض يعزز صفوفه
بـ مهاجم " رأس حربه " بس كانت خطوات السير غريبه .. عزز الدفاع والوسط .. ونسى الهجوم .. الى فترة الانتقالات
الشتويه .. وقع عقد لمدة 3 شهور :S ..
مع اللاعب السويدي المخضرم " هنريك لارسون " ( وجه يناظر غودينسن الحين ) 
والمان يقدم مستويات رائعه هـ الموسم .. ونتايج كبيره يرضي فيها عشــّـاقه .. ويتصدر الدوري الانجليزي بجداره
و واصل لـ دور الـ 8 في التشامبينز .. وينافس على بطولة الكأس .. ومرشح قوي لـ الفوز في احد هـ البطولات ..
# بـ نظرك .. الشياطين له فرصه هـ السنة بـ الثلاثيه ؟ او على الاقل بطولتين بـ حكم مستوياته ؟
//
][ تشيلســي ][
فريق يجيب لعيبه بـ الملايين .. دراهم رئيسهم زايده ومالقاها الا اللاعبين اللي بـ فريقه
انتدب في الصيفيـه :
اندريه شيفشينكو من الميلان .
مايكل بالاك من ميونخ .
اشلي كول من الارسنال
كالو وجون أوبي ميكيل .
الفريق ينافس على ثلاث بطولات [ الدوري والـ CL والكأس ] .. وكل البطولات له فرصة كبيره في انه يكسبها ..
بحكم تقارب النقاط في الدوري بعد الجولة الماضيه .. و موقفه في الـ CL والكأس ..
الفريق يقوده البرتغالي المغرور خوزيه مورينهو .. خير قياده .. والظاهر ان المواري تقول هذا اخر موسم له ..
( ايه عقب ماشفط دراهم ابراهيموفتش )
# بـ نظرك .. وش ينقص تشيلسي .. و وش هي الفرص المتوفره له هـ الموسم ؟
* * * * *
ختــاما ً ..
اتمنى ان هذرتي ماطالت .. واني كنت خفيف عليكم بـ موضوعي البسيط ..
و الشبكه من تألق لـ تألق ان شا الله .. ننتظر تفاعلكم ..
10Ronaldinho10  | 