نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - إذا أردنا الفوز على الأهلي والتأهل .. هذا هو الحل

شفشينكووو7 · #1 06/04/2007, 08:07 AM

بسم الله الرحمن الرحيم ..

السلام عليكم ورحمة الله وبركاته ..

انا بدخل في صلب الموضوع على طول بدون مقدمات لان فيني نوم وورانا صلاة جمعه

كلكم طبعا تعرفون باقي أقل من 48 ساعه على اللقاء المرتقب .. ووالله ان الحل عندي ..

تعرفون لاعبين الاهلي معظمهم صغار .. ونقدر نأثر عليهم حنا كجمهور .. وصدقوني لو فزنا ان شاء الله وتأهلنا بيقولون ان اللي هزمهم هو جمهور الزعيم

الحل

بالبدايه وطول وقت المباراه الكوره اذا جت عند لاعبين الاهلي يبدأ جمهور الزعيم بصيحات الاستهجان وهذا حق مشروع لنا ..

والله راح تخرب نفسيتهم ولاعبين الاهلي ترى يتنررفزون بسرعه خاصة انه ماراح يحضر جمهور من طرفهم ..

والله بنلعب بأعصابهم ..

وأذكركم اذا ماانطرد من عندهم لاعبين او لاعب

واولهم قائدهم أبو عمر :p

في المقابل .. التشجيع والحماس للاعبينا .. وترديد العباره الشهيره اذا صارت الكوره معنا حتى لو كانت الكوره مع لاعبينا من نص الملعب يبدأ الجمهور بترديد العباره الشهيره (( عليهم عليهم )) والله اضمن لكم الفوز بالراااااااااااحه طبعا بعد توفيق الله ثم مجهود اللاعبين .. ;) ;)

واتمنى اتمنى اتمنى نشوف ضغط مبكر من الدقيقه الاولى مثل الاتحاد الدقيقه الرابعه الظاهر مدري الثانيه جتهم ركنيه وقول

.. والله انا اتمنى تجي ركنيه من بداية الشوط والله ان لاعبين الاهلي بيخافون وبيفقدون تركيزهم ..

وان شاء الله ان جمهور الزعيم ونجوم الزعيم ماراح يقصرون ..

وكلكم بعدد ماتقرون هالموضوع .. اقرأوا توقيعي وقولوا آمين

وآسف إن كان طولت عليكم بس هذا اللي كان بخاطري قبل ماانام ..

وتمسون على خير .. وجمعه مباركه إن شاء الله ..

توصون شي ؟؟ <-- وش تبي انت

أخوكم

راشد ...

فمان الله ..