بسم الله الرحمن الرحيم












المفرج المفرج المفرج

طبعا هذي بدايه طبيعيه لازم الواحد يبدا فها قبل كل موضوع حتى لو ماله علاقه



=================================

الاحظ الي يبون ينقدون على لاعب او حاقدين على لاعب و وجهة نظرهم خالفت وجهة نظر المدرب


يقولون ما دخل هاللاعب الا بالواسطه




طيب انت كذا تشوه سمعة النادي



يعني الحين




الهلال نادي واسطات

والي استغرب منه اكثر ليش تشجعه




والي استغرب منه اكثر وش معنى الهلالين بالذات



في انديه كثيره موب راضين على لاعبينهم لكن ينقدونهم نقد بناء



ويدرون ان المدرب ما ابقى هاللاعب بهالمكان الا لانه الانسب


لكن انتم جماهير مع الخيل ياشقراء
((طبعا موب كل الهلالين لكن ان اقصد الي يسبون اللاعبين

لاحظ قلت يسبونهم موب ينقدون لعبهم))




الي يسجل هدف راضين عليه والي ما يسجل زعلانين عليه


يجيك اللاعب مبدع من اول امباراه لكن ما كتب له الله يسجل مئة موضوع سب




ولو لاعب من اول المباراه ما سوى شئ وتجيه الكره بسهوله وبتعب غيره ويسجل تمدحونه وتثنون عليه





ما استغرب المره الجايه تبون الدعيع يسجل

وبعدين ابغى اعرف من اللاعب الي ما اخذ نصيبه من السب

الدعيع - شائب ما نبيه وما عاد يركز على الكره



التمياط - موب التمياط الي قبل يا يرجع لمستواه يا يعتزل
(يعتزل مره وحده)


الخثران - صاير وجوده زي عدمه موب مبين


الجابر - يدخل في اوقات غير مناسبه حنا متقدمين نبغاهم يدخلون دفاع يدخلون هجوم(حتى سامي ما خلوه بحاله)


الغنام-الغامدي-المفرج-الهليل-الصويلح

وكثير لاعبين تعرضوا للسب ليس النقد


اقتراح

((ليه ما تحطون قسم تسبون اللاعبين الي ما تبونهم

وتطالبون باعتزالهم صدقوني راح يمتلئ مواضيع ويدخل الزعيم ارقام قياسيه بعدد المواضيع والزوار (لاعااد قويه شوي)
ويدخلون النصراويين والحاقدين على الهلال من الانديه الاخرى وسب بلاعبينا زي ما نشوف احين)))




الغرض من هالكلام كله


انا نكون اكثر تفكير ووعي


واذا كانت لنا وجهة نظر نوصلها بطريقه مهذبه


فاللاعب مهما كان بشر يخطئ ويصيب



والسلام ختام