السلام عليكم ورحمة الله وبركاته
كيف حالكم يا شباب ان شاء الله بخير .. يا شباب انا امس كتبت موضوع وكان اقتراح لادارة الزعيم ولكن ما شفت فيه اقبال على الموضوع .. وهذا رابط الموضوع اقتراح للادارة الهلالية


وانا اليوم شفت مباراة بين ثانويتين من ثانويات شرق الرياض .. واقولكم حرام والله فيه لاعبين مكانهم الهلال وبس .. اذا جيت تسالهم تقول ليه ما تسجل بنادي يقول اخاف يقولون لا .. وهو تلقاه يتمنى يلعب بالهلال .. مثل هذولا اعرض عليه انه يلعب بنادي الهلال يوافق على طول وبدون مقابل


انا اقول ارسلو مندوبين لبعض المدارس قبل ما تنتهي البطولة (بطولة موبايلي) لان فيه طلاب والله اشبههم على لاعبين بالهلال .. فيه واحد مثل ياسر بالمهارات والتسديد ..وواحد مثل يوسف يحرك الفريق كامل ما شاء الله مهارات وسرعة ..

بس المشكلة لا تنتهي البطولة لانه قهر لو ما نضم الا واحد بس وتراكم بتندمون انها انتهت وما جبنا ولا لاعب لنادي الهلال


آسف على الاطالة ومع السلامة