نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

البارق · #6 28/02/2007, 02:25 PM

تصدق يالهاوي كنت أقول إنك من المحتسبين .. لكن يوم وصلت لقطع الشبك قلت شكله خرب المحتسبين وخلاهم يلعنون ..

أقول .. وش شبوكوه ..

الحمد لله إن بغينا البر خمس دقايق وأنت فيه ..الله لا يغير علينا ..وإن بغيت محل زين بالحيل ما يتعدى الموضوع نصف ساعة ..

لكن السؤال اللي طرح نفسه علي كمن مرة .. أهل الرياض وش شايفين بالثمامة ..

يعني الواحد وده يروح يغير جو وينعم بالهدوء والراحة مع سحر الطبيعة <--- موضوع تعبير ..

وش يوديه لمحل ما يقعد ربع ساعة إلا وهو آكلن له بندول ..

نجي لموضوعك..

تقول وش اللي مخليهم ياخذون الأراضي ..يا أخوي لهم رب بيحاسبهم ..إلا أنت اللي وش خلاك تقطع الشبك قطع الله باقي شنبك ..

قال إيش قال آخذ أجر اللي دخلوا ..

الله من زين المنطق يالهاوي .. طيب تخيل مرة دخلوا خمسين بنقالي وثلاث أفغان وناموا بغرفتك .. والباقين تستدحوا بالصالة ( طبعا وأنتم كاشتين والبيت ما " بوه " أحد )

.. ماهوب لك أجر بعد ..خخخخخخخ

بالنسبة لي .. مهما كان الأماكن لها حرمتها حتى وإن كنت أدري إني مظلوم لكن حط عندك مبدأ إن الغيات ما تبرر المحضورات مهما كانت ..

أدري بتقول فكر مثالي وغريب .. لكن صدقني هذا اللي عندي ووجهة نظري ..وخل عنك صدى الدجة تراه مطبل <----وده يسب صدى وما لقى له درب ..

بعدين رح طريق سعد .. ترى قسم بالله 100 كيلو وما حولك أحد .. وإذا حسبتها وقت ما هنا زود عن الثمامة ..

والله يعينكم على ديرتكم ..