سريزو.... سامي .... !!!!!!
السلام عليكم
بداية الف الف الف الف اف مبروك لكل عشاق هذا الكيان على الاداء الجميل اللي سبق النتيجة
اليوم الفريق كان راااااااااااااااااااااااااااائع وخاصة بالشوط الثاني وهالشي ماجاء من فراغ جاء بفضل الله اولا
ومن ثم مجهود اللاعبين والحضور الجماهيري الكبير اللي بعض الناس حاولوا بشتى الطرق انهم يقللوا منه لكن مالكم امل ياللي في بالي
وفيه شخص ماشفت احد جاب طاريه وانا اعتقد الا اجزم انه هو من قلب المباراة بعقله وتفكيره الداهية وهو
المدرب سريزو الحقيقة هالمدرب دااااااااااهية بتدبديلاته وقرائته للمباراة وشوفوا المباراتين اللي فات واحكموا
يعني في مباراة الاتحاد يوم انطرد مننا لاعبين عرف كيف يوازن بين الدفاع والهجوم ونزل لاعبين غطوا الثغرات المجودة
وهالمباراة عمل حركة حلوة وهي تطليعته للجري المبتعد عن المباريات وانزاله المرشدي اللي قدر يسد المنطقة اليسرى وحجر للظهير الايمن الوحداي وماشفناه الشوط الثاني ابد
هذا غير احتفاظه بالشلهوب كورقة رابحة وكلنا شفنا كيف الشلهوب يبدع لما ينزل الشوط الثاني
باختصاار مدرب يبشر بالخير واذكركم 
نجي لنقطة ثانية ابي احتسي عنها
سامي ... سامي ... سامي لو ارددها مليون مرة ماراح تكفي لانك كبييييييييييييييير كبيييييييير خارج الملعب وداخله
لكن اطلبك طلب ياذيب تكفى تكفى تكفى لاتغلط غلطة المفرج وتخلي حماسك يطغي على مستواك
ياسامي دامك مو جاهز لياقيا مو لازب تضحي باسمك وسمعتك علشان شوط واحد
صدقني ياذيب ان وجودك على الدكة يرعب الخصوم فكيف اذا نزلت وهذا اللي لازم تحافظ عليه
وانا اليوم الصراحة شفت منظر حزني وهو ان لعيبة الوحدة صاروا يتركوا سامي ومايراقبوه وكنهم يقولون مو مسوي شي اتركوه 
وين ايام السنة اللي فاتت يوم تسحب مدافعينهم كلهم بحركة وحدة ;)
سامي نبيك ترجعلنا زي ماوعدتنا بالمؤتمر الصحفي سامي قبل 5 سنوات
خذ راحتك ياذيب وكمل برنامجك اللياقي ولاتخاف على الزعيم دام ابو سلطان موجود
لكن ها مو تروح من جمب المدرب نبيك توجه كالعادة
ياحبيله يوم يوجه اللعيبة
وسلامتكم
