الهلال والنصر و .... الرجاء دخول من كان شيطانه اقوى منه
السلام عليكم ورحمة الله وبركاته
أسعد الله أوقاتكم بكل خير وسعادة
أول شيء اذكروا الله وتعوذوا من ابليس لانه هو سبب كل البلاوي وهو اللي على قولتهم يزيد الطين بله .. واقرأوا كلامي كله بعقلانيه وبدون تعصب.
ياشباب قريت كثير عن الاستهزاء بالنصر وقناتهم اللي بيفتحونها وانه فريق فقراوي و ... و...
نفتخر ان الهلال هو السباق دائما وانه صاحب فكرة جوال الانديه وقنوات الانديه ... ولما تسير الاندية الثانية على خطى الزعيم فهذا فخر للزعيم والزعماء من ناحيه وفخر للرياضة السعودية من ناحية اخرى ... لانه تطوير لمستوى الكرة السعوديه بشكل عام ... وهذا شيء يسعدنا ويفرحنا نحن أبناء هذا الوطن الغالي
ياشباب لا تخلون الشيطان يمشيكم على هواه وتقولون كلام أولاً لا يليق بنا كمسلمين وثانياً لا يليق بنا كأبناء بلد واحد ولا يليق بنا كزعماء من شتم وسب واستهزاء بالغير ... مما يبعث الكراهية والحقد في قلوب البعض
طبعا بتقولون انهم بعد يسبون ويشتمون ويستهزؤون .. وأنا اقولكم .. ليش انتوا تحطون عقولكم بعقولهم؟ .. وليش انتوا تردون الاساءة بالاساءة؟ والرسول صلى الله عليه وسلم يأمرنا بمقابلة الاساءة بالإحسان
والله سبحانه وتعالى يقول ( ادفع بالتي هي احسن فإذا الذي بينك وبينه عداوة كأنه وليٌ حميم)
يا شباب .. انني ادعوكم من خلال موضوعي هذا الى ان تفكروا في كلامي بعقلانية .. ماذا نستفيد اذا كسبنا كراهية وحقد ناس آخرون بسبب شيء بسيط الشيطان مكبره في رؤوسنا؟!
ليش ما يكون بيننا وبين مشجعين جميع الاندية تعامل راقي يليق بنا كمسلمين وكأبنا وطن واحد ؟!
ليش ما يكون بيننا احترام ومودة لاننا اخوان في الله قبل كل شيء؟!
عندي كلام كثير ابي اقوله .. ولكن خير الكلام ما قل ودل
أتمنى اني وصلت الفكرة اللي بالي اليكم .. من غير اطاله ولا تعقيد
اخوكم/ أبو غاده
تقبلوا تحياتي
