لنترك العاطفة قليلا......
بسم الله الرحمن الرحيم
تباينت ردود افعال الجميع واقصد الكل وليسو الهلاليين فقط من خبر اقالة المدرب بسيرو
وخاصة الاعلام المرئي الذي يرى انها غلطة
انا اقول غلطة اذا كان فريق غير الهلال لان الهلال متعود على اللعب قبل النتيجة والظاهر الاعلام
لا يعرفون من هو الهلال
ولكن سؤالي لهم بعيدا عن النتائج التي اتت بجهود اللاعبين وليست من المدرب ( الذي يعجبني باخلاقه واناقته فقط )
المدرب لم يظف شيئا للهلال بل قتل متعة الهلال ولا ادري ماذا يريد ان يثبت فلقد كان له وقت طويل وصدقوني اعطي فرصا كثيرة
واللي يقولون انه كان قوي الشخصية و و و و ابسال اللي يحضر التمارين
هل هو شديد في التمارين؟
هل اللاعب اللي ما يطبق التكتيك يوبخ ؟؟؟
بالعكس المدرب حبيب وطيب لابعد درجه
هل هو برود ؟؟؟ او عدم مبالاة ؟؟
يا حبايبي ترى الهلال وببالغ اسفي سلكت معاه النتايج بسبب توفيق الله ونجوم الفريق
والشاهد ليست النتائج ولكن اسباب النتائج
ولا هدف هلالي من تكتيك؟؟ وراجعو قناة الزعيم ......
اهداف من مهارات فردية وكور ثابته اعب سامج جدا
ولا توجد مباراة للهلال تشفع الا مباراة الشباب ( ولها الاسباب النفسية )
حيث مباراة الشباب اول مباراة بالحكم الاجنبي واللاعبين متحمسين لابعد درجة ومافي داعي اذكر طريقة الاهداف
الهلال في الدور الاول رائع ولكن في الدور الثاني ؟؟؟ خلاص وضحت الصورة للفرق يعني ما يبغالها اي تكتيك
سدو على صناع اللعب وانتهى الموضوع ..... تعادلين وهزيمة ومن من؟؟؟ الخليج والوحدة والحزم !!!!!!!
مو هذا الهلال
اتركو العاطفة الهلال فقد المتعة لكي اشاهده
اين اياااام يوزيك ( يا ليت يرجع )
يوزيك قدم الهلال اجمل واروع واحسن النتائج ولما راح ( ليس بسبب فني ولكن بسبب مرض ابنته ) جائو اللي بعده واستلمو فريق رائع
يا اعزائي ترى بسيرو استلم فريق جاهز
بسيرو استلم فريق بطل لم تتغير عناصره بل زادو
بسيرو استلم فريق محتكر جميع البطولات المحلية
بسيرو قتل لاعبين وبنظر النقاد هم اللي بيكونو لهم شان
( بسيرو قال وانا طلبت ويلتون وجابو لي التايب )
سؤال صغير يا بسيرو اليس عندك الخراشي والصويلح والجمعان والعنبر
اليس عندك شباب النادي
اللي اعرفه في التدريب ان الخطة لا تتاثر بلاعب
انا معاك بنظرك الهلال يحتاج لاعب مهاجم ولكن مو معناها تستنى لين ما يجيك اللاعب
وانت تعرف فترة الانتقلات فاتت وكان باقي لها وقت
ليش ما تكيف على اللي موجود عنده
كل مدربي العالم يستخدمون اللي عندهم ولا يعاندون
يعني ان تقول انك هجومي وان تلعب بعدد ثلاث محاور مع فرق لا تستاهل محور واحد!!!!
الحيطة ممتازة يا بسيرو
ولكن تحتاط وان تملك اقوى وسط وهجوم ؟
افضل صناع اللعب السعودين عندنا ومهاجم المملكة الاول عندنا وقاذفة صواريخ عندنا
والعنبر من افضل ناشئي العالم عندنا الصويلح المطلوب من ترابتوني وماتيوس عندنا !!!!
من تبي وضح
الصراحة بسيرو اعذارك واهنة
رغم نتائج نجوم الهلال هي اللي خلتك والا المفروض من بعد بطولة الخليج وجت متاخرة
اما الجمهور اللي يقول بيندم الهلال على بسيرو
انا اقول لهم تذكرو اديموس تذكرو ماتورانا ( هذولي على الاقل جابو بطولات وانكرشو )
اسم الهلال يا زعماء مقرون بحاجتين المتعة + البطولات
انا احب هلالي بسبب متعته وبطولاته
اجانب الهلال ليسو بالطموح بالنسبة لي ( باستثناء تفاريس )
ريدريقو معليش انت مثابر ولكن لتلعب بالهلال يجب ان تكون افضل من نجوم الهلال ودي انه يروح
التايب سمعتك ولعبك تجعلني بحيرة فانت مع الهلال لم تقدم شيئا ولكن ودي ان نصبر عليك ( ولا تخيب ضني )
الهلال بحاجة الى لاعب كبير كبيركبير وودي ان يكون بخط الوسط لا الهجوم
والسبب ان ثلاث ارباع لاعبي الوسط الهلالي في المنتخبات الاول والاولمبي
والمهاجمين كثر عندنا وفيهم الخير والبركة ينتظرون الفرصة فقط
ادارة الهلال
العمل بالصمت قد لا تاتي بنتائجه مع الجمهور فياليت التوضيح وخاصة مع البرامج الاستثمارية
فنحن نطالب فغيرنا لديه عقود تسيل له اللعاب ونحن الهلال اكبر منهم ولا نعرف شي عن استثمارات النادي
( برشلونه الاسباني لديه محطات وقود في اسبانيا ومعلن عنها فما العيب من ذلك !!)
ابو سلطان ( يا لبا قلبك ) الكثير يغار منك ويحاولون انقاصك ولكن من شدة حيرتهم فلم يجدو شيئا يذموك فيه
الا صغر سنك وهي مفخرة فكبارهم يتخبطون بعقول اطفال وانت بصغر سنك جاريت كبار العقول
والفرق واضح ان تستقبل دعوه وتذهب وغيرك يذب وجهه على ناس وغثوه حتى ان المذكور ذهب
الى حفل مقام للفريق الايطالي الذي اتا للخليج حتى يصور مع لاعب وياخذه معه للغرفه
( بالقوه يبي يتعرف )
واللاعب فضحه بالخارج والادهى يقول في عقد
ان كان رجل يطلع العقد ما يقول العقد عند فلان اللي يبي يشوفه يشوفه
لانه صدقوني لو في عقد انا بطلع كذبته
<<<<<<<<< عندي دليل تزوير من الحين للعقد وانا ماشفت العقد
لاني متاكد اذا كان في عقد فهو مزور
والاسباب واضحه
الاول زي ما ذكرت من موقف الفيفا في موضوعي السابق
الثاني تصريح موراتي في قناة الانتر ان فيجو الى الان انتر وانه معطيه عقد جديد
تصريح فيقو بان الرئيس صديقه بس ولم يحدد وجهته الى الان
وطبعا اخر كذباته
لاعبين من المنتخب في بطولة الخليج مع الاتحاد في الفترة التسجيل الاتية تحولت امس في
المؤتمر الى الموسم القادم ذكرني بلاعب وسط المنتخب اللي بكاس العالم اللي بيلعب معهم هذا الموسم
وطبعا الرئيس اللي يعد بصرف الملايين للنادي اذكركم بان نادي النصر ( المتردي باحواله المادية ) لم يستلمو رواتب من شهرين والهلال صار لهم شهر واحد
اماالاتحاد ابو الملايين لم يستلمو رواتب من اربعة شهووووور !!!!!
ولعبتهم الوحيدة التي تحقق البطولات من ثلاث سنين ( السباحة ) مدرب الفريق من ثلاث سنين يصرف على الفريق من جيبه
الى ان خرج عن طوره من بهرجة الرئيس والتكلم بالملايين ولم يتم الصرف على الفريق ولو بمئة الف ريال !!!!
(لهم التشكيك ولنا الواقع )..... باقي له صورة مع كنفارو وهنري ويكمل لذا الشهر مجلة ليالينا
اعزائي الهلاليين
بعد ان قرات مواضيع كثيرة عن الشلهوب والغامدي وعزيز والتشاور مع بعض الاشخاص في البيت الهلالي
تاكدو يا جماهير الهلال انهم باقين في الهلال ولن يتركو الهلال ولا الادارة الهلالية بتفرط فيهم
عزيز هلاليا حتى 2009
الشلهوب رغم قرب انتهاء عقده الا ان النظام لا يسمح له بالانتقال لانه تحت ال28
الغامدي تراه 27 عام وتوجهات اللاعب بانه سيبقى هلاليا
فلا خوف ( ولكن يجب الادارة ان تحسم امرهم سريعا لاراحة الجمهور )
واخيرا يا اعزائي اعرف اني طولت قليلا ولكن احب ان اقول ( حطو ببطنكم بطيخة صيفي )
الهلال برجاله وبصمتهم سوف تكون لهم اليد الطولى هذا الموسم
والدليل اقالة بسيرو التي كانت مفاجاه للجميع
