بسم الله الرحمن الرحيم
بسيرو مدرب الهلال راح وانتهى .......
نصف الجمهور راضي بسبب اداء الهلال الغير مقنع
والنصف الاخر زعلان عشان نتايج الهلال
بس احب اقول من وجهة نظري ان الهلال سواء ببسيرو او غيره بيحقق هالنتايج
عطوني ميزة تكتيكية للهلال او شي مميز تركه بسيرو انا من ووجهة نظري نتايج الهلال بسبب مهارة اللاعبين
بسيرو ما اضاف شي فاقول لبسيور مع السلامة باي باي
بسيرو عقابك ليست بسبب تصدرك ولكن بسبب اخفاء هوية الهلال ومتعة الهلال
اللي يشوف الهلال وطريقة لعبه يحسب انه فريق من الوسط وليس زعيم الاندية الاسيوية
احنا الهلاليين نهتم باللعب والنتائج ونتائجك جت بتوفيق من الله ومهارة اللاعبين وليست من خططك......
فاقولها لك بالانقليزي good bye
ما علينا صفحة وانتهت
ان شاء الله اللي جاي ما يخلينا نندم
طبعا او شي بتكلم فيه على حبيب قلبي
( figo ) يقولون وعهدتهم وقولهم انه وقع وخلاص انه بيجي في شهر june
واليكم هذا الخبر من موقع الانتر الرسمي وعلى لسان البليونير موراتي رئيس الانتر ( امبراطور البترول والتبغ في ايطاليا ) <<<<<<<< يعني كااااااااش
في مقابلة تلفزيونية مع قناة الانتر ( مش قناة الاي ار تي )
Your comments on the matter regarding Luis Figo?
"He hasn't hidden anything. He had explained this matter to me a while ago. He has been very good, we spoke together when I was in New York, and he did exactly what we told each other, which was to make sure there was no possibility of him leaving this year. His contract ends in June, he didn't know whether to go to America or Saudi Arabia, and he chose Saudi Arabia. And I told him I have a contract ready if he changes his mind. He has behaved by following certain advice and also by using the common sense that a player of that level has."
الترجمة :
س : ماهي ملاحظاتك في موضوع اللاعب لويس فيجو ؟
لم يخبئ اللاعب شيء قال لي كل شي من فترة لقد كان رائع لقد تكلمنا لما كنت في نيو يورك ( معلومة بسيطة زيادة مني لما كان في نيو يورك بسبب احتفالات راس السنة ) ولقد نفذ فيجو كل ما دار بيننا اي بانه سيحترم العقد ولن ينتقل من الانتر حتى نهاية عقده . ولكنه محتار ولا يعرف اين يذهب بعدها هل الى الدوري الامريكي او السعودي ولكنه تقريبا اختار السعودية ولكنني قلت له انا عندي لك عقد جااااهز اذا غيرت رايك . اللاعب يتماشى مع تاثيرات خارجية وفي موقفه انا معه بسبب وضعه الحالي ( يقصد نهاية مشواره في الملاعب )
انتهت المقابلة
وهذا هو رابط المقابلة
http://www.inter.it/aas/news/reader?N=25165&L=en
استنتج من هذه المقابلة ان الرئيس الاتحادي لم يوقع مع فيقو ولا يقدر يوقع معه وذلك الحاقا لموضوعي السابق اللي وضحت فيه ان اللاعب ما يقدر يوقع بسبب قوانين الفيفا التي لم ينفذها النادي مثل موافقة المسؤولين في الانتر ....
نرجع للاهم وهو الهلال
يا شباب وضع الهلال ما يطمئن اهم لاعبين الى الان لم يوقعو مع الهلال وانا اعرف ان هناك جهود للتوقيع معهم
وهم الشلهوب والغامدي
ما نبي نستنى الى نهاية عقدهم ونشوف نبي الحين هذولي اهم من اللاعب الاجنبي وانا اعرف ان رجال الهلال قادرين على الانهاء
حيث كثرت الاشاعات بالنسبة الى انتقالهم الى جدة وواضح مخطط جدة المقصود باللاعبين اللي في المنتخب هم الشلهوب والغامدي والسبب قرب انتهاء عقودهم
مانبي لاعب هلالي يطلع
مدرب الهلال الجديد اذا استمر على نهج باكيتا وبسيرو في الخطة من الحين بره يجب ان ترو سجل المدرب التدريبي وتعرفون طريقته وتراها موجودة في السيفي
شباب المنتدى طلب صغير اللي يكتب موضوع عن انتقال لاعب او شي لا تردون عليه بالكذب والافتراء عليه بابشع الاوصاف استنو عليه وكل شي مع الوقت يبان الصراحه صرت استاءمن بعض التهجمات
على بعض الاعضاء والمشكلة لما تطلع صحيحة ما يلقى العضو اي رسالة اعتذار
اللي بيكتب شي خلوه يكتب وان طلع كذاب صدقوني فضيحته بتكفي ان كذب بوقتها
خلونا نرتقي شوي بالالفاظ واتركو التهجم ولا تصرون على المصدر لان صدقوني انا اعرف اعضاء اخوانهم في الادارة الهلالية واعرف اعضاء وناس يجلسون في بيوت اعضاء الشرف ولا ودهم يذكرون مصادرهم للاحراج
اللي يكتب خلوه يكتب كل شي يبان في وقته واتركو التجريح
قال تعالى
بسم الله الرحمن الرحيم
{يا ايها الذين امنو اذا جائكم فاسق بنبأ قتبينوا به عسي انا تصيبوا قوما بجهالة فتصبحوا علي ما فعلتم نادمين} فالسب بين الاعضاء مرفوض وكلنا اخوان وهدفنا واحد وجمعتنا وحده وهي الهلال فاتركو اللغو بينكم من مصادري الخاصة واقولها لكم ان اللاعبين اللي بيجو للهلال واعلنها لكم تراهم بنظام الاعارة الى نهاية الموسم والبطولة الاسيوية فقط وليست انتقال نهائي ... ولكن من الممكن ان تكون انتقال نهائي اذا اثبتو وجودهم مع الهلال وضع الهلال جيد واتركو الخوف كل الامور اللي احنا خايفين منها عارفينها ولكن المشاكل الرئيسية هي الشلهوب والغامدي واللاعب الجنبي وهي الاولويات ريدريقو والتايب ( بنظري ليسو بطموح الهلال ) التايب لاعب ممتاز ولكن متى بنستفيد منه ؟؟؟؟؟ الى الان لم يترك بصمه واضحه ولا تقولو لي كعوب وباص عيون ..!!!!! انا احب التايب ولكن احب اللاعب اللي ياثر في النتيجه للهلال ريدريقو مثاااابر وافضل من التايب ( بالنتايج مع الهلال والحسم ) ولكن هو ليس بالمطلوب صدقوني بوسط الهلال من يقدرون يغطونهم اخيرا اشكر جميع الاعضاء اللي يهتمون بالهلال ويتعبون للهلال مثل اللي يتعب ويجيب ملفات مدربين و لاعبين للهلال الصراحة انتم يا اعضاء لوني في الادارة لاتجهت لكم وتركت السماسرة اللي ما منهم فايدة صدق انتم الرقم الصعب بعض الاعضاء قريت ملفات للاعبين ومدربين منهم قلت حرام انكم ما تفتحون مكاتب تعاقدات وصدقوني انا اقول لكم استمرو ترى في كثير يطالعونكم ولكن اطلب عدم الانجراف للمشاعر الاصة والتركيز على ما يخدم الهلال اخر شي والله انا عارف اني طولت جمهور الهلال اللي بالملعب يعجز لساني عن الوصف ولكن احبكم حب وما عليكم من احد ولكن انتبهو من التهور ولا تقلدو جمهور الاندية الاخرى وخاصة جمهوري الموز والبسس مين الموز ومين البسس 
جريدة الرياضي ....... خخخخخخخخ ( لا تعليق ) محمد البكري ...... خخخخخخ ( تعليق : ليش كل ما اشوف خبطاتك الصحفية اتذكر المحقق كونان ) واسف على الاطالة والف شكر 