السلام عليكم ورحمه الله وبركاته
وكل عام وانتم بخير بمناسبة العيد بعد الزحمه ... وكل عام وانتم بخير بمناسبة قرب دخووووول السنة الجديدة بالهجري طبعا هذي قبل الزحمه
خسر الهلال امس امام الحزم في الرس غريبه صح ... بس حبيت اذكر الجمهور العزيز ان الكرة فوز وخسارة ( بيطلع واحد يقول وتعادل علشان اقفل
الباب بدري) في قناة الزعيم قامت الدنيا وقعدت وعلى مين على الفتى الذهبي نواف التمياط والمدرب البرتغالي بيسيرو .
للتذكير فقط في الملعب 11 لاعب نواف لاعب ضمن الـ11 لاعب طبعا غير الاحتياط واذا كان نواف ماهو في المستوى وهذا الحاصل طبعا وين الـ10
الباقين نواف لحاله يتحمل الهزيمة من جدا امركم غريب ... ماراح الومكم المفروض الوم نواف لانه عودكم على التالق ماراح اسرد لكم مشوار نواف
يكفي لما اقول الفتى الذهبي ولولا الاصابة كان صار نواف سوبر ستار في الكرة السعودية (وهذا الوضع رغم الاصابتين) ... قبل فترة كان الهلال يلعب
بعشرة لاعبين اذا استثنينا اللاعب الاجنبي الفاشل على شاكلة باولو ديسلفا ( هداف كاس الامير فيصل بن فهد مقاسمة مع العنبر بـ5 اهداف لكليهما)
يعني نواف غاب حاله كحال اللاعب الاجنبي وكان الهلال يفوز تبغون تفهموني ان الهلال لما يفوز يفوز بمجهود اللاعبين الـ11 كلهم مااظن احيانا
كثيرة يكون فيه لاعب مستواه فوق العادة ليه مانلقى الحمل على القحطاني ياسر او غيره من النجوم لانهم سجلوا في المباريات الاخيرة صح.
كلهم في الهواء سوا في اخر ثلاث مباريات الهلال لم يسجل ودور نواف صناعة الهدف واذا سجل يكون اداء دوره وزيادة .
في قناة الزعيم : تذكرت مسلسل الزير سالم لما قريت للعضوة ريانه العود يابنات لا مايك اب ولاعطور ولا تمشيط للشعر . بعد ماهجر الزير الخمر
والنساء الى ان ينتقم لمقتل اخيه. والله حالكم غريبه
المدرب المسكين لم يسلم هو الاخر من الانتقاد المستوى متارجح صح بس ماادري هل المطلوب من المدرب النزول للملعب والتسجيل الفريق يلعب بنفس
اسلوب باكيتا وهو الذي الاسلوب الذي جعل الهلال يوقع وكالة بانه الوحيد المسيطر على البطولات في عهد الداهية.
لا والاسواء من كل هذا هو الشغب الذي حصل بعد نهاية المبارة ياليت ان يعلم المتسببين في هذا الشغب ان الهلال هو المتضرر الوحيد كلنا حزينين على
المستوى والنتائج الاخيرة بس فكر قبل ماتضر ناديك.
انا من هنا احيي نواف التمياط والمدرب واتمنى من الادارة ماحسبت المقصرين واحب اقول للي يقول انه ماراح يحضر مباريات الهلال بوجود المدرب
ابغى اعرف ميوله للمدرب ولا للهلال واحب اذكره باننا مع الازرق الزعيم الهلالي الكيان ولا راح نتبع لاعب معين ولا مدرب ولا اداري ولاغيره
واحب اقوله ان الهلال غني برجاله ونجومه وجمهوره واحنا في غنى عنهم .
