بسم الله الرحمن الرحيم
السلام عليكم ورحمة الله وبركاته

بسم الله الرحمن الرحيم الوضوع يتكلم عن النصر اقصد نادي النصر
والسالفة هي/

اني كنت عند ولد خالي وطبعا هو نصراوي وكان في ذاك اليوم
مباراة النصر السعودي والوحدات الاردني
ويومها قالي ولد خالي تكفى رح معي ومدري وشو
عاد انا قلتله يالله مدام المباراة بين السعودية والاردن
اقصد النصر (السعودي) والوحدات (الاردني)
عاد انا قلت يالله خلني اروح اشجع النصر لانه في مهمه وطنية
ولان ولد خالي قالي رح معي
على العموم يوم رحت هناك
تشوف الفراغات بين الجماهير بين كل واحد ولا اثنين تلقى ثلاث كراسي فاضية
وهذا وإنا جايين في ربع الوقت من الشوط الاول
والا تشوف السب والشتم من جماهير النصر على لعبينهم وعلى الوحدات وعلى الحكم
وتشوف عاد جماهير النصر يرمون نعال وخرابيط على الوحدات
والا عاد يوم جابوا الوحدات هدف
جا واحد من جماهير النصر ورما نعال وصقعت في اللي جاب الهدف ويوم قظت المباراة وطلعنا
سمعت واحد من جماهيرهم وش يقول يقول(النصر بيفوز اذا صارت الكورة مربعة) هذي الجملة قايله واحد من جمهور النصر00
ولا بعد واحد قال خمس بلنتيات للنصر ما حسبها الحكم!!
ما ادري من وين جت ذا الخمس بلنتيات
واذكر انهم كانوا جماهير النصر يقولون/
أصفر و أزرق وش يصير صراصير صراصير
وأيضا الان يقولون المفروض النصر ينزل الدرجة الاولى او الثانية

ولا من زود القهر يقولون اننا لنا يالهلاليين 13 سنة ما اخذنا بطولة
اصلن بالعقل نادي ما صارله الا 50 سنة
و46 بطولة ما شاء الله وشلون لنا 13 سنة ما اخذنا بطولة
ولو هذا الكلام صحيح ان كان تشوفنا الان 33 بطولة او اقل00
الحمدلله والشكر يارب واستغفر الله يارب الله لا يؤاخذنا
ما يشوفون نفسهم لهم 9 سنين ما خذو بطولة وبعدين على فكرة
الفوز عندهم بطولة والتعادل فوز والخسارة بفارق هدف تعادل استغفر الله00
ولا بعد وش يقولون يقولون ان هم 38 بطولة يعني شف كيف بس قمزوا من 19 بطولة الى 38 بطولة
على العموم لو أعد كل شي عن النثر أقصضد النصر من قاضي..
على العموم أخليكم مع التصميم..
على فكرة أنا سويت هذا التصميم علشانهم حطوا لاعبينا في لبس غير سعودي وحطوا وحطوا.......
وياما وياما قعدوا يسبونا ووووو.... وقالوا على رأيسنا الـ.......... وووو.... عد واغلط
واللي اهم من كذا انهم تجرؤوا ونسبوا كلام على الامير محمد بن فيصل عمهم وحارق دمهم..
العضو النثراوي الحالمي(قاهر الهلالين) قاعد يسجل صوته هو واخوياه وقالوا اللي يبون ثما حطه في موقعهم ثم قال ان الامير محمد بن فيصل هو اللي قايلها!!
قاهر نفسه كذاااااب
واللي يبغى يتأ كد يروح لموقعهم لاني منب مطلع الصور اللي هم حاطينها على الهلال ولا الصوت اللي ناسبينه للامير محمد بن فيصل
لاننا لن نعيره اي اهتمام..واللي يبغى يتأ كد يروح لموقعهم
وأنا أقول للي مسوي التصاميم المسيئة على لاعبين الهلال أقوله
تخيل نفسك لاعب هلالي وجو جماهير النصر وحطوك في أي شي أنت ما ترضاه وش بتسوي!!!!
على العموم التصميم اللي انا مسويه ما فيه إسائه على لاعبينهم
عاد أنا سويته قلت خلونا ناخذ حقنا منهم الـ......... ما ودي أقولها((لان أخلاقنا يالهلالين ما تسمح لنا))
اعذروني على كبر التصميم لكن هذا اصغر شي علشان كل شي يكون واضح

ومن بعد التصميم اللي شفتوه اعطيكم هذا التصميم..
لان أخلاقنا الحمدلله مب زي أخلاقهم كلهم حقد وغيره..
اليكم التصميم