|
جوال الهلال + الجمهور الهلالي + ابراهيم حقوي ## مهم قبل 7/10
بسم الله الرحمن الرحيم
السلام عليكم ورحمة الله وبركاتة
اخواني اعضاء منتدى الزعيم في البداية احب اقول لكم كل عام وانتم بخير قبل الزحمة بمناسبة قرب عيد الفطر
المبارك .
انا بدخل في الموضوع على طول بدون مقدمات نبداء اول شي في : - ## جوال الهلال ## بالنسبة لجوال الهلال نبغى منهم الهمة في التنظيم قبل بداية المباراة زي ماكانت في العام الماضي
قبل كل مباراة يوجهوون الجمهور والمقاعد الفاضية وجهاتها نتمنى تفاعلهم معانا في هذي المباراة
وجميع المباريات اللي في الرياض واللي في خارج الرياض وبنكون لكم من الشاكرين  ## الجمهور الهلالي ## احبتي الرقم الصعب موعدنا يوم 7/10/ 1427 هـ في هذا اليوم اتمنى اني ماأشوف ولا مكان فاضي
في الملعب حتى الجهة المخصصة للفريق الخصم ابيكم تعبونها  المهم انا قبل مدة كتبت موضوع
عن علم كبير بسوية والحمد لله العلم وخلص بس مشكلتة انة صغير حجمه العرض 12 متر والطول 4.5 متر
اللي ابية من موضوعي هذا تفاعل الجمهور اللي بيجي الملعب وخاصة الواجهة انهم يتفاعلون مع العلم نبية
يرقى وينزل ويمر على الجمهور صدقوني راح يطلع منظر الملعب وخاصة الواجهة حلو
هالله هالله بالحضور يازعماء يوم الاحد 7/10 ترى فية مفاجأة ثانية بس ان شاء الله يدخلونها الجمارك اقصد
العسكر اللي في الملعب . ## ابراهيم حقوي ## عندي طلب بسيط ويمكن اغلب الاعضاء يأيدوني فية وهو انك تجي في الواجهة معانا وصدقني يابو خليل
راح نتفاعل معاك بكل مانملك ابو خليل لاتنسى ان هذي المباراة مباراة قوية ويجب على جميع الحضور المؤازرة
صدقني ابو خليل وجودك في الواجهة مهم وظروري ارجوك ابو خليل انك توافق وتجي لاتردنا  في الختام استودعكم الله ولاتنسونا من الردود  | 