بسم الله الرحمن الرحيم
صباح الخير
مع ارق تحيه للجميع
اعزائي ابدخل في المووووووضوع
من متى ياشباب ماشاهدنا مدرجات الملعب في مباراة كما مباراة فالنسيا
من متى ماسمعنا جمهور الهلال يغني بصوت اللي يبعد عن الملعب 10 كيلو يسمعه
شباب يعجبكم رئيسنا يقول اقتدو بالنادي الفلاني والنادي الفلاني ليش ياشباب والله العظيم ترى انتو بنعمه حتى اللي مو بالرياض انا احزن اذا جات مباراة للهلال واشاهدها في البالتوك والله احزن وانتو الملعب عندكم ولا تروحون
شباب يجب التفكير في امووور عده منها اولا جوال الهلال ارجو من الذين ارسلو حرف (غ)يرجو اشتراكهم هذا شيء يفيد النادي
ثانيا امامكم اختبار ومو صعب عليكم بتاريخ 7شوال بالريااااض تكفون تكفون تكفون ابهروهم والله انتو اكثر من جميع مشجعي الانديه لكن اثبتو هذا احضرو وساندو والله حضوركم هو الفوز
شباب اميرنا مانقدر نحرجه ونثنيه عن الاستقاله الا بتاريخ 7شوال اذا شاف الملعب كله ازرق وابيض والله العظيم راح يغير
كلامه
سامي والله راح يأجل اعتزاله لو شاف الجمهور كله بصوت وااااحد سامي سامي سامي سامي
ياسر عزيز نواف الشلهوب الغنام والباقين كلهم
شباب الثقه في الله ثم فيكم ابي جمهور الفرق الاخرى يدهش مما يرى ارجوكم يا شباب
الحقوي ما راح يقصر عليكم فقط بمساندته
وشوفو لو حضرتو وش راح يصير بالاتحاد والله راح يخرجو من طورهم وراح نفوز ونفرح جميعا
نبي نشوف الالعاب الناريه نبي نفرح مع بعض
ااااااااااسف على الاطاله لكن والله الكلام كله من داخل قلبي ارجوكم فكرو بكلامي
وتذكر ان جمهور الهلال الرقم الصعب
تحيااااااااااتي لكم
