الحلقه الثانيه
(( .. ،، الأسهم ومصايبه ،، .. ))
بدينا بالأسهم
----
قلت له : يالله مشينا للسوق الاسهم
قالي : اجيب معي الددسن ؟
قلت : ليش ؟
قال : علشان اذا اخذنا اسهم نركبهن بالحوض !!
قلت له : وش تبي بالحوض !! هذا سوق اسهم يا درج
قالي : لا تقول درج لاتغلط
قلت : خلاص ولا تزعل دولاب
قال : ايه كذا صح
قلت : خلاص لا يكثر
المهم ... مريته و مشينا للسوق وكل واحد معه شنطته
به سندوشة جبن وعصير الربيع
اللي يشوفنا يقول ذولا رايحين لمدرسه ؟
دخلنا ومعنا القروش
رحنا لم الكاشير وخطمنا عليه خطمه ألـيمه !!
قلنا له : نبي اسهم !!
وقال خويي ايه نبي اسهم خضر بعد << ما قلت لكم مب وجه اسهم
خويي مسوي فاهم .. بس لا تخاف جاوه كف طير سنونه بالجدار
قالنا الكشير : بأي شركه يالطيب ؟
نط خويي وقال الشركات الخضر !!
وعطيته بقس قويي بدا يجمع عيونه من الأرض !!
قلت له ما تعرف تسكت ؟
قال الا بس القروش قروشي !!
قلت : طييييب
واعطيه الشنطه واروح
اما يجي يلحقن ويقول اسف ويعطين الشنطه
ما عليكم ممشيه صح
قلت له ابرجع بس بشرط .. تنطم ولا تكلم ؟
قال : ابشر
رجعنا وبدا الكاشير يعدد لنا الشركات
طبعاً نط خويي بس ما قال شي
فعدد علينا وسألت انا خويي .. قلت له وش تبي انت من هالشركات ..
قال : ثابك !! << تخبر سنونه لصقتهن بالجدار
قلت له ليش بالذات اخترت سابك ؟
قال اسمه حلوو !!
يذكرني بلقبي
قلت له وش لقبك ؟
قال السبيكه !!
قلت : اهاا
طيب يالسبيكه نتخار سابك علشانك
ضحك وطلعت الفضايح !!
تخبر سنونه متكسرات !!
رحنا لم فهد ( الكاشير ) وقلنا له : نبي يالحبيب سابك لاهنت << مسوي اخلاق
قال : تامرون امر
بس كم سهم ؟
سألت خووي ( السبيكه ) وقلت له : كم سهم ؟
قال : اثنين بس لا يكثر شطه .. تعرف يقولون الاحمر بالاسهم يعني شي مو كويس !!
قلت له : اثنين بس ؟
قال : ايه اثنين بس
قلت : ما ينفع شوي
قال : لالا انا تخطيطي ناخذ من كل سهم اثنين !! << مسوي فاهم !
قلت له طيب يا بو تخطيط ،، بس كذا يبقى قروش
قال : طيب من كل واحد 5 اسهم !
قلت : ذا ما منه فايده .. لا انا بنقيلك الشركات المضبوطه واختار لك
قال : كذا اريح
قلت : وانا بعد كذا اريح لي
المهم رحت لخوينا فهد واخترت من الشركات الزينه
وعطيته المبلغ
وبعد اسبوعين دق علي وهو مستانس وقال : ابشرك الاسهم ارتفعت
قلت له : مبروووك
قال : الله يبارك فيك ،، بس وش رايك اللحين نمشي للسوق ؟
قلت : يله .. امرك ولا تمرن ؟
قال : لا مرن انا سيارتي ما به مكيف واذا ضغطت بوري ينفتحن البيبان !
يعني بهذله
قلت له خلاص امّرك
مريته ورحنا للسوق
