مشاهدة مشاركة بصفحة مستقلة
  #1  
قديم 10/08/2006, 02:42 PM
الصورة الرمزية الخاصة بـ taroki
taroki taroki متواجد حالياً
زعيــم مميــز
تاريخ التسجيل: 07/08/2003
المكان: Saudi Arabia
مشاركات: 3,491
Thumbs up جولتي لنادي الهلال ... نقاط من بعض ما دار خلال جولتي .. مقابلتي مع النجم بدر الخراشي

السلام عليكم ورحمة الله وبركاتة ...

كيف حالكم جميعاً يا اخوان ...

ابدأ لكم جولتي في نادي الهلال .. وكم انني في فرحة عارمة عندما وصلت لنادي الهلال بعد ما فريت الرياض كلها عشان ندور شارع عائشة بنت ابي بكر والعريجاء .. ..

في النهاية قلت مالها الا اوقف ليموزين واخليه يوديني النادي وياخذ الي يبي .. المهم اوصل للنادي في صلاة المغرب عشان التمارين بعد المغرب ...

المهم وصلت للنادي وقابلني رجل الامن صاحب الاخلاق العالية .. فقلت له اننا زوار من خارج المنطقة وجينا للنادي عشان نتجول فيه ونحضر التمارين .. كما هي عادة الزعماء دائماً رحب فيني وقال النادي ملك لجماهيره ... المهم توجهنا الى المسبح وملعب السلة وكرة اليد ... بعد ذلك اذن المغرب وذهبنا الى المسجد وادينا صلاة المغرب .. وبعد ذلك تجوهت الى ملعب النادي .. ومريت من غرفة تغيير الملابس فأذا باللاعب سعد الذياب يأتي متأخر عن التدريب ويراه المدرب بيسيرو .. وهنا ثام المدرب بتوبيخه باللغة الانجليزية .. وكان حاد معه .. وبعد انا رأنا المدرب غمز لي واشار لي بعلامة النصر قلت له والله يجي منك ومنت هين وغلطان من قال انك ضعيف الشخصية .. وبعد ذلك رأينا ابو دعدع متجه الى غرفة تغيير الملابس وسلمنا عليه وتمنينا له التوفيق .. وبعد ذلك خرج ردريقو كان متجه الى غرفة تبديل الملابس ايضاً واشار لنا بعلامة النصر ايضاً وكبير يا كماتشو الثاني .. المهم قررنا بعد كذا اننا نذهب الى المدرجات لكي نشاهد التمرين .. واذا بطريقنا للمدرج الاوسط لمحت اللاعب الخلوق بدر الخراشي من بعيد <<< صقر ما ينخاف عليك
وسلمنا عليه وعرفنا بأنفسنا وقلنا له اننا جمهور الهلال جاي من المنطقة الشرقية .. بصراحة غمرنا الكابتن بدر بطيبته وقام بدعوتنا على وجبة العشاء .. وبصراحة احرجنا وكان محترم معنا لاخر دررررررررررررجة .. المهم تصورنا معه وقال الصورة بريالين قلت له وين خاش محل ابو ريالين هههههه ..
وبعد ان اخذنا معه الصور لمحنا المدرب الصارم .. وبدأ في توبيخه مثل سعد الذياب ... وضحك في وجيهنا ولسان حاله يقوم انتوا بعد مرة ثانية هههههههههههههههه المهم استوقفت الكابتن بدر لحظات وسألته عن صحة تنسيقه كما قرأنا في المنتدى .. ونفى ذلك وقلت له اننا انصدمنا من قرار تنسبقك وقال ابدأ مو صحيح وانا بأذن مستمر في النادي وبأذن لاله اسعد جمهوره ..

وبعد ذلك اتجهنا الى المدرجات .. واذا بكل اللاعبين على ارض الملعب .. شاهدنا الكابتن مازن الفرج وخالد عزيز يدورون على الملعب .. وخالد عزرز مدري وش عنده طاح على الشباب تنكيت وضحك هههههههههههههه قلت في نفسي منت بصاحي يا خالد ..

المهم اجتمعوا اللاعبين في وسط الملعب مع المدرب وقاموا بأداء التمارين اللياقية ولم تشتمل التدريبات على مناورة .. كانت كلها تعتمد على عنصر اللياقة .. ولمحت من بعيد الكابتن نواف يدور حول الملعب مثل الكابتن خالد ومازن الفرج ..

وبعد ذلك اتجهت الى رجل الامن وسألته هل يوجد معرض للنادي نبي منه شالات وحركات .. قال للاسف اول كان فيه والان قفلوه صراحة اصبت بخيبه امل .. وبعد ذلك خرجنا من النادي وانا في قمة سعادتي ...

هذه جولتي بالنادي وحبيت اني اطلعكم عليها وان شاء الله تعجبكم .. واعذورنا لو صار فيه اخطاء املائية او شيء من هذا القبيل لاني كاتب الموضوع على عجل ...

وعلى المحبة والخير نلتقي
اضافة رد مع اقتباس