الجميع يعرف الكابتن عبدالرحمن القحطاني نجم نادي الاتفاق والكل يعرف هلاليته المطلقه

ولأني أعرف القحطاني جيدا لاننا من ابناء مدينه الجبيل الصناعيه وأعرف ان القحطاني هلالي صميم من ايام الدراسه

في الدوري الموسم اللي مضى في مباراتنا مع الاتفاق قال ابو سلطان للقحطاني ان شاء الله جايبك للهلال ورد عليه القحطاني وقاله (يلا على يدك)

وفي اكثر من مره كلمه وسيط هلالي ( أحتفظ باسمه ) من طرف الامير محمد بس الى الحين ماكلموا نادي الاتفاق رسميا ولا مره وحده واللاعب مطلبه ان نادي الهلال يرسلون خطاب رسمي للاتفاق فقط لاغير يطلبون انتقاله

والكل يعرف ان نادي النصر يفاوضه الحين وبغض النظر عن معرفتي بالقحطاني فأظن ان اللاعب صغير بالسن ومهوبه قادمه باذن الله وراح ينفع الفريق وبالذات اذا عرفنا انه هلالي صميم

أتمنى من اميرنا المحبوب انه يتعاقد مع النجم عبدالرحمن القحطاني قبل لاينتقل لنادي اخر

وللمعلوميه فقط ان القحطاني كان حاضر معي نهائي كاس ولي العهد الموسم الماضي لمسانده الزعيم ( اكثر من كذا ماراح تلقى )

اتمنى من احد المشرفين انه يتفاعل مع الموضوع ويكلم ابو سلطان او ان ابو سلطان يقرا الموضوع

والا يابو سلطان تراني بأشوفك في مقهى(ميدريقال باريس ) واكلمك على الموضوع