| [][][][] الحلقة الثالثه[][][][]
بدون مقدمات رئيس الشركة قال للمأون : ابغى املك للرجال هذا ( يقصد أبو جودة ) على بنتي
وتمت الملكه بسرعه
راح أبو جودة يوصل المأذون
ورجع المستشفى بسرعه
وكانت صحة رئيس الشركة على ما هي عليه
رئيس الشركة : الحين يمديك تشوف البنت
رفعت البنت الغطوه وكانت البنت ملكه في الجمال
اندهش أبو جودة وكانت البنت اجمل من شافت عينه
البنت ساكته وكذلك أبو جودة ساكت
البنت من الخجل طلعت برا الغرفه
رئيس الشركة : أنا ما ابغى منك لا مهر ولا غيره
ابيك تحافظ على بنتي ولا تهينهها
املاكي كلها بتصير لك
انا محملك مسؤوليتها وانت قد المسؤولية ان شاءالله
أبو جودة : الله يعطيك طول العمر
وان شاء الله تقوم بالسلامة
اما بنتك بحطها في عيني.
رجع أبو جودة البيت وخلى زوجته وابوها في المستشفى
وراح لامه وقالها يا يمه ان املكت على البنت
امه صاحت : املكت عليها واحنا ما ندري
اكيد هذي ساحرتك ولا مسويه لك عمل
أبو جودة : يا يمه ابوها بيموت وكان يبغى يطمن عليها قبل يموت
وهو ما عنده الا هالبنت
وحلاله واجد وخاف على بنته
امه: اكيد انها ما هي حلوه
ولا معقدة
أبو جودة : لا يا يمه هي حلوه وحبيتها
الام : حلوه حبيتها ... وش بينك انت وياها عشان حبيتها ما تقول ما عمرك شفتها
أبو جودة : لا اليوم شفتها
الام : وين شفتها
أبو جودة : في المستشفى وملكت عليها في المستشفى
الام : هي مريضة !!
أبو جودة : لا ابوها المريض وحالته خطرة
الام : انت ما ينفعلك الا ابوك
الام اخذت الجوال وكلمت ابوه
أبو جودة طلع من البيت لأن ما فيه فايدة من النقاش
قعد يدور في الشوارع ويفكر اللي سواه صح ولا غلط
دق الجوال
ابوه كان على الخط
أبو جودة : هلا يبه
الاب : السلام عليكم
أبو جودة : وعليكم السلام .. امي اكيد كلمتك
الاب : ايه كلمتني ... انا الحين طالع من البيت وابغى ازور ابوها وابغاك تجي معي
أبو جودة : خلاص خلك عند البيت وانا اجيك ونطلع سوا
__________________________
الحلقة الرابعة اليوم الظهر ان شاء الله  | 