|
تمت كتابة الحلقة الثانية تحت اجبار من ابو جودة نفسه
[][][][] الحلقة الثانية [][][][]
راح أبو جودة البيت
وما قدر ينام من التفكير
قال في نفسه ليه ما استخير
قام ووضى وصلى صلاة الاستخارة
وبعد ما صلى ارتاح قلبه وهدي باله
وقرر انه يكلم ابوه وامه بعد صلاة الفجر على سالفة الزواج
نام الى صلاة الفجر
قام صلى الفجر وبعد الصلاة قال لأمه جهزي قهوة عندي لكم سالفه انتي وابوي
يوم رجع ابوه من المسجد
وشاف أبو جودة وامه جالسين
استغرب وجلس
الام : خير وش عندك يا وليدي
أبو جودة : سالفه بسيطه
الاب: وش عندك لا يكون اللي في بالي
أبو جودة بدون تردد: انا ابغى اتزوج
الام وهي فرحانه : انت اشر على اي وحدة
الاب قاطع الام: خلي الولد يكمل
أبو جودة : انا عزمني رئيس الشركة وعرض علي بنته
الام : طيب هذولا ما نعرف عنهم شي
الاب : خلي الولد يكمل
أبو جودة : قالي خل اهلك يجون اليوم واملك عليها
الام : بهالسرعه
أبو جودة : انا استخرت وانا مرتاح من هالزواج
الام : طيب ما شفناها ولا نعرف هي حلوه ولا لا
الاب : دامك تبي هالزواج وانت رجال كبير وعاقل خلاص الله يتمم على خير كلم رئيسك انا بروح لهم بعد المغرب
الام : طيب شفت البنت
أبو جودة : لا بس هو شرط علي ما اشوفها الا بعد الملكه
الام : تلقى فيها عيب ولا مشلوله
أبو جودة :انا يمه مرتاح
الاب : ما عليك منها اليوم بعد المغرب نروح لهم
أبو جودة : الله يكثر خيرك يا يبه
أبو جودة راح الدوام وناوي يكلم المدير
والمدير في العادة يوصل الشركة على الساعه 9:30
جت الساعه 10 ولا وصل المدير
الساعه 10:30 يرن التلفون في مكتب أبو جودة
رد أبو جودة
وكان على الخط رئيس الشركة
رئيس الشركة: السلام عليكم
أبو جودة : عليكم السلام .. سلامات ما جيت الشركة اليوم
رئيس الشركة : فكرت في الموضوع اللي امس
أبو جودة : ايه فكرت
رئيس الشركة : هاه وش رايك
أبو جودة : كلمت الاهل وان شاء الله على المغرب جاينكم
رئيس الشركة : يعني موافق
أبو جودة : يحصل لي الشرف
رئيس الشركة : تعال لي انا في المستشفى
أبو جودة : سلامات عسى ما شر
رئيس الشركة :تعال ولا تكثر هرج
أبو جودة : خلاص مسافة الطريق
وصل أبو جودة لغرفة رئيس الشركة في المستشفى
ولقي عنده بنت لكنها كانت متغطية
رئيس الشركة كانت حالته صعبه
ودخل المستشفى الفجر
رئيس الشركة : انا أبو جودة يمكن اموت في اي لحظه
أبو جودة : لا تقول كذا..الله يعطيك طولة العمر
رئيس الشركة : هذي بنتي وابغاك تجيب مؤذون الحين
أبو جودة : الحين
رئيس الشركة: ابغى اتطمئن على بنتي
ابو جودة : بس اهلي لازم يكونون موجودين ..خلها لما تقوم بالسلامة
رئيس الشركة : ما في وقت
أبو جودة : طيب يا عمي
نزل أبو جودة وجاب مؤذون ورجع
لكن كانت حالة رئيس الشركة تتدهور
__________________________
انتظروا الحلقة القادمة
 | 