الله يعطيك العافيه يابو زياد
والله يرحم من مات بسبب هالتفحيط
وللاسف المجتمع ماعالج المشكله من اكثر من 15 سنه
وزاره الاعلام ماعمري شفت لها تحذير من التفحيط حتى المخدرات لي اكثرمن سنه ماشفت عنها شي بالتلفزيون
وكانهم يباركون للي قاعد يصير ,,,, ياخي المشكله ماهي بالشباب المشكله بالمجتمع اللي للاسف مااهتم ...!
المقاطع منتشره في الشركات وتمشي على جميع الموظفين الكل يشوفها من اقل موظف
الى المدراء والنواب ويمكن اللي اعلى منهم
ولا شركه ساهمت
أسالك بالله وش استفدنا من القطاع الخاص حتى حديقه ماتكفل فيها احد البنوك وهي اقل شي للمجتمع
الشباب والله محتاج رعايه والرعايه اللي اتكلم عنها ماهي تربيه ............ لا
الرعايه اهتمام صقل للموهبه وقتل للفراغ
مانقول اللي الله يخلف على مجتمعنا ازعجونا في سواقه الحريم ونسوا ان نصف الشباب اللي يسوق
مصابين من الحوادث غير المتوفين احصائيات ترفع الضغط
الله يكفينا منها وياليت والله الشباب يعتبر
ياخي لو اني اكبر مفحط بعتبر من هالمناظر اللي اشوفها
قبل كم اسبوع واحد منقطعه رجله بالقصيم وشالها رجل ملتزم وحطها جنب المتوفي
وكاننا في حرب ........ اعوذ بالله ياشيخ
الله يهديهم بس
تحيه لك وعلى فكره ترا مافتح معي شي مادري مني والا فيها خطأ