عليكم السلام ورحمة الله وبركاته

والله ياخي انا مشترك باوربت ويجب إني أوضح لك الأشياء التالية:

أنا مشترك بأقل سرعة اللي هي 256 ميجا طبعا شهرياً تدفع 520 ريال
وطبعا هم يبهرونها يقولون مع القنوات لما تسمعهم تقول كل القنوات وهذا غير صحيح فقط يعطونك القنوات العربية
وعددها 6 قنوات اعتقد الفن والاغاني ومدري ايش سبع قنوات هابطة وبايخة وعلى فكرة القناة الرياضية ما تجي مع القنوات القنوات ال6 والله انا مشترك عندهم ورامي ريسيفرهم بالمستودع ما يستاهل اتعب نفسي على 6 قنوات بايخة

لك معدل تحميل يومي 300 ميجا باليوم إذا زاد تحميلك عن هالمعدل يفصلونه عليك 24 ساعة يكون التصفح بطيء جداً
لانهم يشبكونك على سيرفر بطيء نوع من العقاب ........انا وش الله بلاني واشتركت عندهم

الابلود ضعيف جدا مقارنة بالداونلود الداونلود حلو يوصل 34 كيلو بالثانية هذا السريع الحين .....امحق!
لكن لما يزيد تحميل عن المعدل اليومي يفصلونه عليك
أيضا الابلود لك معدل بالشهر اذا زاد فصلوه عليك

1200 ريال تأمين للأجهزة
400 ريال تأسيس اشتراك
300 ريال تركيب
300 ريال مشوار اذا انت خارج الرياض وجدة والدمام
520 ريال شهرياً

بالنسبة لي انا ما جربت الدي اس ال ولكن من ما اسمع انه افضل لانهم ما يلزمونك بمعدل تحميل يومي حمل على كيفك

نت اوربت ما تحتاج خط التلفون ابدا ابدا ابدا

واحط مليون خط تحت كلمة اشتراك بجميع قنوات اوربت
ومليون خط ثانية على كلمة 150 ريال

والله يوفقك