ما شاء الله عليك و الله كتاباتك ممتازة جداً...

ا

إقتباس نتم من اضعتم الدوري .. وليس اليوفي من اخذه .. وانتم الوحيدون الذين تتكلمون عن البطوله الاوربيه وكأنها ملك لكم !! اما شاهدتم ليتشي وهو يخطف الفوز منكم وانتم هامدون !! او فوزكم الاول على ليتشي بهدف سوبر بيبو في الوقت الميت !! ام مستوياتكم في بعض مباريات الدوري .. ضد كييفو .. او مبارتكم ضد روما الاولى والاخيره ايضا .. ام مباراة سامبدوريا .. ام ام ام !! .. لن اعلق بالتحكيم .. او بالمستوى .. او بالحظ .. ارجوكم يكفي تذكيرنا بعهدكم القديم وفكروا في القادم ..

كلامك صحيح...لكن هالشي مو بس هالسنه...الموسم الماضي واللي قبله واللي قبله يصير كذا
هالفريق دائماً ما يضيع النقاط أمام الفرق اللي المفروض تكون سهلة...ما راح أفتي لك و اخترع أسباب لهالشي لكن نقول الله كريم

إقتباس البعض اصبح يبكي على شيفا ... هل تصدقون !! (( بأن زميل لي يقول سألعب في البلاي ستيشن بالبلوز لان شيفا وبلاك رايحين .. !! )) نعم وصلنا لبعض العقليات هذه !! فيا محبي الميلان .. رحل باستين .. ورحل خوليت .. ورحل البرتيني .. وانتم ابطال .. وشيفا سيذهب وستظلون ابطال .. ولكن اتمنى ليس ابطالا بالكلام !! واقترح بان توفروا الدموع ليوم رحيل قائد القاده (( باولو مالديني )) لانه بحق من يستحق !!

شفشينكو صراحة لاعب كبير جداً لكن أنا أشوف أنه خروجه على أنه راح يأثر على الفريق لكن ما راح يكون تأثيره كبير...
ممكن تنحل بتغيير تكتيك الفريق في خط المقدمة بإعطاء كاكا بعض أدوار شفشينكو و يكون هو اللي خلف المهاجم مباشرة...و ان شاء الله قدوم كريسبو راح يعوض كثير لأني أنا أتفائل بوجود هاللاعب الرائع

أما رحيل الأسطورة مالديني فما نقول ألا حيل الله أقوى...

إقتباس محبي روما .. لم اشاهد في حياتي قط ناس يتكلمون عن التحكيم منكم ومن احد انديه الرياض الباليه !! نعم ونعم ونعم اشهد لكم بأن التحكيم وقف ضدكم مرات كثيره ولكن هل التحيكم لم يقف معكم .. شخصيا اعتبر التحكيم الذي يؤثر في مسيره مباريات فقط ليس مهما .. لان البعض التحكيم له يؤثر في الكالتشيو كاملا !! احدهم ذكر بأن روما هو مظلوم وروما فريق ناقص وروما بدون قائدها .. وروما صار وصار وصار .. اخي العزيز روما هو من فعل بنفسه هكذا .. روما كان افضل الفرق قبل 4 مواسم .. وحبه للمال ذهب به ليكون هكذا .. ايعقل ان امرأه من تدير النادي ؟؟ غير معقول .. شخصيا احب روما كثيرا ولكن اقلام بعض الكتاب قد تأتي بالقرحه لي !! فحاولو الكلام ببعض الشفافيه .. واتمنى لكم موسم قادم سعيد ..

يعلم الله أني أحب أشاهد هالفريق و أحترمه كثير <<< السبب أني أحب إيطاليا
لكن بصراحة زي ماقلت بعض محبين هالفريق غثونا بسالفة التحكيم...يدورون الزلة على الحكم و على طول الأتهامات تجي لليوفي و ميلان

إقتباس محبي الانتر .. وانا منهم .. سنقول تحكيم .. سنقول ان هدف اليوفي الثاني كان من تسلل .. سنتكلم سنتكلم سنتكلم .. نعم بعض ما نتكلم به صحيح .. ولكن هل نحن راضيين عن الانتر .. هل نحن راضيين عن مهاجم مدلل للغايه يفعل مايشاء لانه برازيلي .. هل نحن راضيين عن فريق ليس فيه من اللاعبين بحق سوى 4 لاعبين .. زانيتي .. ستانكو .. كامبياسو .. فيغو .. وحتى كوردبا في اغلب الموسم .. اما الباقي فقد كانو اشباه لاعبين .. يبدعون في مباراه و3 دون المستوى .. ونحن في اعظم دواري العالم !! محبي الانتر انا احب الانتر منذ زينقا ومنذ بيرغومي .. ولم ارى فريق بدون ضمير مثل هذا الموسم !! فأرجوكم دعونا فقط نتحد لرحيل مانشيني واحضار مدرب له كلمه مسموعه .. ورأي قوي .. وقريبا سأطرح موضوع يعالج اكبر المشاكل .. اختصارا نحن فريق نستاهل مركزنا او المركز الرابع نظرا لمستونا وبكل حق ..

هذا الفريق اللي ما ادري وش سالفته...أنا أختلف معاك في قصة المدرب
يعني مانشيني كان مسوي شغل حلو مع لاتسيو و جاكم قبل كذا هيكتور كوبر اللي كان وقتها مسوي أنجازات مع فالنسيا و لما جا مع الأنتر ما نجح
أنا صراحة توقعاتي أن المشاكل سببها الأدارة <<< مدري هذا بس تخمين
لأن اللاعبين تغيروا و ماصار شي...المدرب تغير و ماصار شي...لكن الأدارة هي اللي كانت ثابته و ماتغيرت أبد

إقتباس محبي اليوفي .. وما ادراكم ما اليوفي .. هل انتم سعيدون بالدوري حقا .. هل انتم سعيدون بالمستوى والنتائج .. ام سعيدون فقط لان بعض محاربينكم قد سكتوا .. الاجابه الثانيه حتما .. وسأعدكم بأن احدا لن يسكت .. لانكم اغتصبتم البعض لاخذ الدوري .. والله العظيم اعلم انكم فريق جدير .. وكابيلو ودل بييرو والكل جديرون بالاسكديتو .. ولكن هل هكذا تأخذ الدوراي ..

هالفريق اللي يقول انه مهب كفو معناه أنه ماعنده سالفة...يعني مهما كنا نكرهه لكن يبقى اليوفي كبير
و مايعجبني بصراحة من هالفريق غير ديل بييرو و كابيللو...هم اللي من جد فرحت لهم انهم حصلوا على البطولة
كابيللو عرف كيف يفوز بالدوري لما كان يتعامل مع كل الفرق بجدية و يبحث عن الفوز سواء كان يلعب امام فريق صغير ولا كبير...و هذا الشي اللي كان ميلان يفتقده خصوصاً أمام الفرق الصغيره


أما الفيولا...فيستاهل لوكا توني و فيوري و الشلة كلهم...و أن شاء الله يبدعون الموسم القادم في دوري أبطال أوروبا


عندي تعليق بسيط أيضاً...بالنسبة للخرابيط حقت الحكام...هذي اللي من جد تقهر
كل اللي اقوله هو ان شاء الله انها تطلع خرابيط و مايطلع هالكلام صدق لأنه بيسبب هبوط مستوى الدوري الإيطالي في المواسم القادمة و قلتها قبل ما ودنا ننحرم من أفضل دوري بالعالم...


تشكر مره ثانيه على الموضوع...