طس صح اني احبك بس هذا من أول
يوم انك تترنح بالفنيله الزرقاء
اما لا لبست شعارهم فوالله ماعليك حسوفه
الدوخي وخميسوه قبلك ولا تحسفنا عليهم
وبعدين هو يضن انه راح يلعب معهم مثل ماكان مع الهلال
اتحداهم
من يقدر يساعد كماتشو على الابداع غير نجوم الازرق
الله لا يردك لنا ومن فارق الازرق ظلم نفسه :p
واشبعوا فيه يا بلوي مع زمرتك :p
واعرفوا وتأكدوا ان الازرق يبي يرفع ضغطكم
وبيدقر لكم وبيكتم انفاسكم
وانسوا البطولات بوجوده ((يا ابوفضله ))
والله ماهنا حسوفه عليك يا كماتشو
ومتاكد انه راح يقولون وين كماتشو الهلال هذا اللي نشوفه غير والاكيد بيجي اليوم اللي نشوف نشرتهم ومن يشخمط بها وهم يطالبون بإالغاء عقده
هم هذا اللي هم شاطرين فيه
أصلاً هم هذا شغلهم من سنة جدي ماغير يدورن اللاعب الجاهز
متى الاتحاد صنع نجم وإلا جاب محترف وتوفق
هم ما يمنون انفسهم انهم يبحثون عن الاسباب اللي مضيعتهم
اللي من اهمها انهم ....وإلابلاش اساعدهم بالحل خلهم في غباءهم العجيب
وشوله نعلمهم سبب عدم توفيقهم لا نجوم منتخب فادتهم بل بالعكس مستوياتهم انخفضت
ولامحترفين مشهورين ساعدوهم ولا فلوس جابتلهم بطولة
وإلا فيه احد يجيب لاعب بسته وعشرين مليون (كالون ) وبالآخر مولد بلا منتو
اللهم لاشماته ولكن مستحيل يفهمون غباءهم المتكدس
مسكين يامعاند الزعيم
صحيح بالله مايستحون هم يعني بالورق هم اللي بيسوون وبيعملون وهم أبطال العالم وهم الفريق اللي مايقهر
ولما نقابلهم ياعيني على مصافق الركب
وعلى بالهم انهم لقوا الحل وقالوا " اها اكيد هادا إلاعِب هّوا اللي حي فيدنا"
شف يابلوي صح انك ملياردير وعندك فلوس واجد بس صدقني ماهيب الفلوس تجيب كل شيء
فرح جمهورك وافرح انت بالفلاشات وحنا مع ابوسلطان نبي نجمّع البطولات
أكيد انك متشقق من الفرحة الحين على بالك انك خلاص حليتها
لكن تأكــــد يا (ب ل و ي) انهم راح يقولوا ضاعت فيلوسك يا بلاوي
افرحوا يالاتحاديه العام اخذنا بطولات الموسم كاملة وانتم اخذتوا بطولة بضم لاعب هلالي (الدوخي)
وصارتوا بكل الصيف انتم الابطال بالجرايد الفوز لكم بإعتقادكم
وهالسنه هذي اخذنا كأسين وانتم اخذتوا كماتشو
غرد يا طير جدة
افرح ياوااااااااد واديلوه مسيكا
لكن متى راح تفهمون انكم اغبياء وغباءكم ماله مثيل وان الجمهور مسكين مغلوب على امره كل ما انصدم وانلدغ من الزعيم راحوا واخذوا بطولتهم وهي لاعب من الزعيم
تدرون وش مشتهي مشتهي اشوف خشة جستنية احس انه متشقق الحين من الوناسه مسكين
احبابي جماهير الازرق خلوكم مع ابوسلطان قلباً وقالباً وصدقوني بالأول والأخير حنا الأبطال وحنا مصنع النجوم ومنبع الأبداع والفن والمهارات وصقل المواهب وخطف البطولات لاتنسون أن العقل السليم بتشجيع الزعيم


وعشت لنا يابوسلطان ويسلم راسك وراس غاليك