نعم .. أول مره احضر مباراة للهلال في الرياض في استاد الملك فهد ..

سبق واني حضرت الهلال والرائد في القصيم .. ولكن في الرياض هذه أول مره أحضر بحياتي ..

انا من سكان منطقة القصيم وبالتحديد بريدة ..

وكما انتم تعرفون لا يوجد باصات لنادي الهلال تنقل الجماهير من بريدة .. وانا مامعي سيارة ..

ونادي الشباب وضع باص لنقل الجماهير للملعب ومن ثم العودة بهم من بريدة

فقلت يارجال فرصتك تحضر المباراة .. فشديت الرحال معهم ..

تجمعنا عند استاد الملك عبدالله .. وتفاجئت بان عدد الجماهير الشبابية 8 فقط !! " شعبية الشباب لا يعلى عليها "

والبلطان مجهز باصين اثنين .. على العموم ركبنا بباص واحد وتوجهنا للرياض

وفي الطريق عرفت ان نص اللي في الباص هلالية .. 4 من 8

شلون كشفتهم ؟؟ جوال الهلال الله يعزه

كل ماتجي رسالة لي .. تجي لـ 3 معي .. فكشفتهم انهم هلالية مثلي .. يعني 4 هلالية و4 شبابية مع مسؤول نادي الشباب .. " ونادي الشباب الطموح حاط باص بالكويت ينقل الجماهير .. أي جماهير يرحملي والديك ؟؟ "

وصلنا بفضل الله بالسلامة .. واشترينا اعلام زرقاء .. 3 منا اشتروا وواحد كبير مسوي ثقل رفض يبدو انه قعيطي

ساندنا بكل مانملك .. وعشنا لحظات مع الجمهور الهلالي عن نفسي لن انساها طول حياتي ..

واجدها مناسبة ممتازه .. لاتقدم بالشكر لجميع الهلاليين الذين حضروا وساندوا وقدموا صورة لن تجدها في آسيا كلها .. لن تجدها سوى في أوروبا فقط وفي امريكا الجنوبية ..

الله يخليكم للهلال .. ودوم الافراح والانتصارات والبطولات .. وهاردلكم الخسارة .. وان شاء الله التعويض في الآسيوية .. والموسم القادم ..

والحمدلله ماكشفنا المسؤول اننا هلالية .. بعدين نجلس نشر بالطريق ..

أكثر ماقهرني وفقع مرارتي .. ان الباص توجه لنادي الشباب بعد المباراة للاحتفال هناك .. اضطريت اني انزل وجلست اتفرج عليهم وهم يحتلفون .. وبغيت اتهور واتكلم يوم جابوا علم هلالي ودعسوا عليه بالسيارة وحاولوا يحرقونه لكن ماقدروا لان المادة المصنوعة من العلم لا تقبل الاحتراق .. الحمدلله .. يقولون علم اسرائيل ويقولون نيفيا نيفيا .. قهروني بغيت اتهور واتكلم بس قلت ياولد كثارين والاعلام النصراوية حاضره وبقوه كعادتهم .. ينتظرون اي مناسبه ليظهرون حقدهم ..

شاكر لكم اتاحة الفرصة .. واتمنى اني ماثقلت عليكم ..