كنت عند واحد من الشباب نصراوي ودخل على موقع النثر وأنا أطالع معه ... أكيد أول مرة أدخل على موقع النثر لأني أخاف تطيح بعض الحروف مني لدخلت موقعهم : : وكان معكر مزاجي وقتها لكن صدقوني مت من الضحك عليهم لو أحلف أنهم ما يعرفون الكورة لحلفت ويوم قريت مواضيعهم قلت لصاحبي تأكد من التاريخ بس أحلف أن مواضيعهم من عام (1399هـ) اللي يتكلم عن هدف ماجد اللي له (15) سنة وعن الدوري عام (1415هـ) واللي يتكلم عن من وضع حجر الأساس لنادي النثر واللي يقول (أحمد مبارك) لاعب نثراوي أحسن لاعب في الدوري (أتحدى أحد يعرفه) واللي يتكم عن خمسة الأهلي وكلام يموت من الضحك مساكين ما عندهم بطولات ولاعبين يتكلمون فيهم ... ونسوا أخواننا السودانيين ستة (ناجي مجرشي) وربعه وستة الإتحاد اللي طلع بعدها أميرهم ويقول يكفي النثر فخراً بهذا الفريق وخمسة الأهلي وأربعة الهلال .. وطيب الذكر (مضحي الدوسري) اللي بعد هدفي يوسف نزلوه درجة أولى و(ناصر الفهد) اللي ترك الكورة وراح يشتغل في العقار .. وأمور كثيرة ما ودي أطول عليكم فيها لكن ما أقول إلا (القافلة تسير والنثر ينبح)