نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

ابو الريش · #13133 05/04/2006, 12:19 AM

هارد لك المستوى .. ومبروك النتيجه

آنشلوتي عمسـها بالبدايه وحسمها بتغييراته بالنهايه .. جاتوزو كنت احسبه موقف بس شكلي مخربط شوي يمكن للحين ماسكه معي مبارات البارين

شفت جاتوزو قلت يلعن امه بطل فوق القانون

.. ناسي

المهم المبارات كانت بالطول وبالعرض لليون .. لعب سهل وسريع وصول لمرمى ديدا بـ 3 او 4 تمريرات

بينما ميلان يوصل للمرمى بشق الأنفس والمهارات الفرديه ..

ديدا : مرتبك شوي بس كالعاده أبدع

ستام : اتمنى خروجه من النادي بأسرع وقت ممكن ..

نيستا : مدري وش اقول .. مافيه شي يوصفه اليوم .. كان خيالي .. لكن الشوط الأول كان فيه برود في ابعاد الكره عن المنطقه

كلادزي : مستواه مازال يتطور مبارات عن مبارات لكن للحين ماوصل للمستوى المطلوب

سرجينهو : أخطاء بالجمله في الدفاع .. تسبب في اكثر من فرصه خطيره .. برود واستهتار في مناطق اول شي على بال اي لاعب بالعالم فيها " طييييير " .. وابعد الكوره عن المنطقه بأي جزء من جسمك والأخ يتشقلب ويتفنن كأنه موقف عند باب ليون يقول من يجي يسجل /

.. << هذا كله دفاعيا ً

هجوميا كان مبدع ورائع كالعاده .. أختراقات تمريرات ذكيه وعرضيات خياليه زي كل مره ..

بيرلو : !! ضايع

جاتوزو : لعب 3 ادوار اليوم صانع العاب ومحورين وظهير ايمن .. مجهود جبار ولياقه خياليه واخلاص غير عادي

كاكا : كلام كثييير تحت << ياكثر كلامك

سيدورف : كان عليه مراقبه لصيقه ومع ذلك تحرر ورجع وابعد عنها عكس اللي فوقه

شيفا : كان جيد اليوووم وسحبت الحارس خياليه .. يقولون ماوقفوه الا عند ديدا

بيبو : دوري الأبطال ان حسم للروسنيري فالسبب الرئيسي هذا اللاعب : )

--

كاكا

انانيه ماشفتها بلاعب ميلاني قبل كذا

.. اكثر من كوره كان يقدر يحسمها بـ تمريره بسيطه يروح يتفلسف فيها وتضيع منه وهجمه مرتده لليون والله يعينك يا نستا ويا جاتوزو

.. لاعب خلاص انكشفت طريقته وصار يستسلم لأي رقابه عليه .. مستحيل يقاتل على الكوره .. ديارا اللي ماقدر يوقف بيكهام .. يوقف كاكا

.. شي غريب من لاعب اخاف يصير مثل سيدورف مزاجي يوم فوق يوم تحت

--

آنشلوتي

أول مره يتخلى عن 4\4\2 ذالمدرب .. اول مره احس ان فيه مدرب شايف اللعب وعارف ان سرجينهو كان لازم يتفرغ للهجوم .. اول مره احس ان فيه مدرب للميلان .. وطبعا كل هذا بعد ما عمسها بالبدايه وبالتكشيل وحاس الموضوع كله

--

اليوم ميلان تأهل بالحظ ... وليون كان الأحق بالتأهل .. الخبره والحظ رجحت كفه ميلان .. اذا راح يستمر الفريق على المستوى هذا مافيه لا كاس اوربي ولا قوطي ببسي حتى .. لازم آنشلوتي واللاعبين يراجعون حساباتهم ويعرفون ان مهر البطوله هذي بالذات غالي واذا ما يعطون اللي عندهم كله بالفتره القادمه لا يعطونه أبد

آسـف على الأطاله ومبروك التأهل وعقبال الكاس ان شاء الله : )

تحيتي