أخوي ( يا روحي الهلال ) :

إقتباس خلاااااااااص يعني أنت صفقت للصويلح يعني مافعله صحيح وأن مافيه أحد في المنتدى فهم كورة الاأنت بس

أنا قلت كذا ؟؟؟
انا قلت اني صفقت له والكثيرين سووها ايضا , وروح اسمع ايضا ما قاله الحقوي
لكن انا ما باقول لك ان اللي سواه حقوي أو غيره صحيح وان اللي سويته انت غلط !
لأني انا قلت شيء خاص فيني وماقلت ان مافيه احد في المنتدى يفهم كورة الا انا .. بس الظاهر انك تبي تسويي بلبلة بدون سبب

إقتباس حنا مندسين وأنت اللي هلالي بس الله يهديك بس الفكر اللي تحمله فكر لعب حواري

انا قلت عنك أو عن أحد بالتحديد مندس ؟؟
أنا قلت : ( أقول للمندسين )
وكلامك يذكرني بخطاب نادي الحزم الأخير :p << طبق الأصل
يا أخي انا ما قلت لك .. أنا قلت للمندسين .. إلا اذا كنت واحد منهم أو انك مو واثق في حبك للهلال فهذاك شيء ثاني !

إقتباس طيب ألحين مدامك تفهم في الكوره وش حصلنا بعد أحتجاج الصويلح غير طرده وزاد أوجاع الهلال من النقص

انا ما اتكلم عن استفاد أو ما استفاد .. اللي أقوله أن اللي سواه الصويلح مايستدعي حتى كرت أصفر إذا ما أخدنا الحالات اللي تصير بملاعبنا والملاعب الخارجية .. ناهيك على انها كرة ركنية في الأساس .. فلو طبق العدل والقانون لتحاشينا كل ذلك وحتى لو تجاهلنا فهذا الكرت كان أولى به محمد نور وغيره , وما فعله الصويلح لا يقارن بما فعله غيره وأمن العقوبة !!
لمتى بتصير جماهير الهلال غلابة وتطالب بالمثالية ؟؟؟ روح شوف اللاعبين بالأندية الثانية كيف يكلموا الحكم ويعصبوا عليه ويرمون الكور ويمسكون الحكم من ايده ! ولا يحصلون حتى على إنذار شفهي

إقتباس وبعدين أحب أقولك أنت داخل الملعب يومك تقول الصويلح ماتلفظ على الحكم

أنا مو بداخل الملعب .. لكن الحديث اللي دار وصلني بالكامل من أحد اللاعبين الموجودين بالملعب ! وأبشرك بعد تراه لاعب قدساوي !

إقتباس والله والله أن القصد من معاقبة الصويلح لكي يعلم أن وراه اداره سوف تحاسبه وتكون له درس

طالبوا بمعاقبلة الصويلح
وطالبوا بفرض الغرامه عليه
ولــــــكــــــن ..
طالبوا بتطبيق كل ذلك على اللاعبين الآخرين قبله وكلا على مقدار خطأه
طالبوا بالعدل والإنصاف للهلال .. (( لو انه أعمى ما احتسبها ضربة مرمى هالمتعصب ))

إقتباس وشكراَ

لا شكر على واجب عزيزي





نبض المشاعر

إقتباس احنا في غنى عن الإعتراضات اللي مالها داعي والله لو الاعبين يتركون عنهم امور التحكيم ويتفرغون للعب كان الفريق بألف خير

أولا خلينا نأخد كلمه اعتراض على انها درجات ..
فيه من يعترض وهو يسب ويشتم
وفيه من يعترض وهو يقذف بالكرة
وفيه من يعترض وهو يأشر بحركات للحكم
شخصيا لا أرى اعتراض الصويلح الذي لم يحمل ايا مما سبق كل هذا .. في الدوري الإنجليزي لما واحد مثل الصويلح يعترض بهالشكل الحكم يقعد يوقف اللعب ويشرح له , وفي الدوري الأيطالي الحكم يتغاضى عن اللاعبين وإعتراضاتهم .. وإذا قلتوا لي اتركنا في دورينا فسأقول لكم بأن هناك الكثير والكثير في الدوري السعودي ممن اعترضوا بطرق لا أخلاقية ولم يلقوى ما لقاه الصويلح هنا . بل أنني لأول مره في حياتي أرى مثل هذه الحادثة , على أن اللاعب يأخد كرت أصفر وكرت أحمر على اعتراض في كرة واحده وبدون تهجم على الحكم .

إقتباس مباراة العين ماودانا في داهيه إلإ تفرغ الأعبين لمناقشة الحكم ومجادلته وهالشيء صايرين نشوفه يتكرر في الفريق

أتفق معاك في مباراه العين
وأنا ما تكلمت الا عن مباراه القادسية الأخيرة وقلت رأيي فيها

إقتباس اسهل قرار يتخذونه هو طرد لاعب هلالي او كتابة تقرير سيء عنه اوحتساب ضربة جزاء ضد الهلال او عكس الأخطاء

هذا ما تحدثت عنه .. لماذا يكون طرد الصويلح بكل هذه السهولة ؟
ولماذا لم تطبق نفس العقوبة على لاعبي الفرق الثانية الذين اعترضوا بطرق لا تقارن بما فعله الصويلح

إقتباس مابنغى لاعبينا يتفرغون لمناقشة التحكيم واخذ حقوقهم بيدهم في الملعب

لو ان الصويلح اعتدى على الحكم , أو اخد الكرة وسددها للخارج بطريقة عصبية أو شتم الحكم , ما كنت اتخدت معاه نفس هذا الأسلوب
الصويلح ناقش الحكم في قراراه الخاطىء , والحكم إنذار أصفر .. ويتبعه بأحمر .
طيب الأصفر وعرفناه .. بسبب إحتجاج الصويلح
طيب الأحمر ليه ؟
مع العلم ان الصويلح لم يكن لديه كرت قبل هذه الحادثة


أخوكم
دمـــوع