السلام عليكم ورحمة الله وبركاته :

رضا جمهور الهلال غاية لاتدرك وماأدري وش السبب ، هل هي قلة وعي من هذه الجماهير العريضه الكبيره

أو الدعوه عناد

فكل مباراة يخسرها الزعـيــــم أو يتعادل فيها يقولون ليش المدرب مالعب فلان

وأبعطيكم مثال يدل على صدق كلامي :

يوم كان باكيتا مدرب الهلال كان يلعب كماتشو والشلهوب ، فإذا خسر الهلال أو تعادل قال الجماهير : ليش مايلعب

نواف .........

ويوم راح باكيتا ـ الله يرجعه للهلال ـ وحطوا مكانه ألكسندر ، ويوم مالعب كماتشو ، قالوا ليش مايلعب كماتشو ....

ويوم جاء كندينهو ، كان يلعب كماتشو ونواف ، قالوا : وين الشلهوب


يعني وش يسوي المدرب إذا كان عندكم ثلاث لاعبين في نفس المكان


مهوب هذا الشاهد ، الكلام اللي أبوصل له عن لاعبين الهجوم ، فماشاءالله عندنا أكثر من ست لاعبين مهاجمين

ومهوب معقول أن المدرب يبي يلعبهم كلهم جميع في نفس الوقت !!!!


اللي أتمناه أننا مانضغط على المدرب الجديد كليبر وأي مباراة نخسرها ـ لاقدر الله ـ أو نتعادل ، نقول لو كان لاعب

فلان ماانهزمنا !!!!!

كل مشجع عنده طريقه يعتقد أنها الأفضل ، ولكن تبقى طريقة المدرب هي اللي تبي تمشي

وحبيت أنبه على جماهير الهلال الواعيه ، أتمنى أن ماحدث أمام الميناء وأثنىء خروج العنبر أن لايتكرر

مهما كان هذا لاعب هلالي !!!!

على الأقل هو ماتكبر على الهلال وجلد المدرب أو رفض الخروج من الملعب أو أنحاش ليلة المباراة مثل غيره

اللي يصفقون لهم الجماهير كلها !!!!!!


وشكرا