بسم الله الرحمن الرحيم

اولا : مبروك ياشباب على الثلاث نقاط

ثانيا : هاردلك على المستوى الاقل مايقال عنه بانه (خايس ) اللي حتى فريق حواري مايلعب بهالمستوى وبها التكتيك

الهلال من جرف لدحديرة والادارة تتفرج


نعم هذا هو الهلال بعد رحيل باكيتا

اجتهادات من لاعبين ويالله الستر

وسط مفكك

اخطاء دفاعية قاتله

هجوم عقيم ويعتمد على الفرديات

هذا هو حال الهلال !!!!!

ابيكم تقولون لي هجمة منظمة في مباريات الهلال الاربع الاخيرة !!!!

لعب عشوائي يعتمد على فرديات من نواف وكماتشو

اذا لقحت معهم زين على زين واذا مالقحت الشكوى لله هذا الخطة وهذا اللي عندنا

هذي هي خطة كندينو

باصات في النص الى ان تنقطع

او نواف يمسك الكورة ويتجاوز لاعبين ثلاثة ويسلم غلط !!!!!!!!!!!

او كماتشو ياخذ فاول

هذا هو الهلال في اخر ثلاث مباريات

لكل من اطلق صافرات الاستهجان عند خروج العنبر

اليوم عند خروج العنبر اطلقت جماهير الهلال وللاسف اقول جماهير الهلال صافرات الاستهجان على اللاعب محمد العنبر ابذكرهم بس بكم شئ واترك لهم الحكم

محمد العنبر هو اللي جاب هدف الهلال الثاني في مباراة والاتفاق في كاس فيصل العام الماضي والتي انتهت 2-1

محمد العنبر هو اللي حسم مباراة الهلال والقادسية على نهائي كاس ولي العهد بعد ان كان الهلال بيفقد اللقب

وكان هو من سجل هدف الهلال على الاهلي في نهائي كاس فيصل في الوقت الاضافي

بالاضافة الى انه هداف كاس فيصل العام وهالسنة

وجاب لكم هدف على النصر وهدف على الاهلي وهدف على الميناء يعني 3 اهداف في اخر 5 مباريات من يسويها تكفون قولو لي من يسويها فيما استقبلوا الجمعان بالتصفيق والتشجيع

ولكن ابقولكم شئ شفتوا الجمعان بتاريخة مع الهلال الذي يمتد لاكثر من عشر سنوات العنبر خلال سنتين له تاريخ افضل وانصع منه ولكن للاسف من يقنع هالجمهور

وابذكركم ان الجمعان الي صفقتوا له ترك معسكر نادي الهلال في مباراة مصيرية فيما العنبر المظلوم يذبح نفسة عشانكم ولكن جزاء المعروف عشر كفوف !!!!!!!!

وترى ياشباب ماهي مشكلة العنبر ان كندينو مقتنع فيه وان باكيتا ضمه للمنتخب هذي مشكلة المدربين !!!

وابي اقولكم اللي مايعرف الصقر يشوية واللي يفهم كورة ويعرف تريزيقية بيعرف من يكون العنبر


وصفات بلو هنترية

@@ اذا ارادت ادارة الهلال ان ماتضيع ولا بطولة تكون اكثر شجاعة وتبدا في التغيير من الان لان التغيير فيها فيها ولكن شكلهم ينتظرون ان تروح عليهم ولي العهد وبعدين يغيرون

@@ نواف التمياط استبشرنا خير بعودتة ولكن للاسف !!!!!!!!!

منذ عودة نواف والوسط يعتمد على الفرديات اكثر منها الجماعية

منذ عودة نواف وكماتشو ضايع لان كماتشو يحب انه يكون حر في الوسط ويحب انه يمسك كورة ولكن بعودة نواف صار هو اكثر من يمسك كورة ولكن دائما ماتكون نهاية كورة خاطئة

@@ اذا اراد الهلال العودة للمستويات المتميزة والتوازن الدفاعي الهجومي فارى بل واجزم ان خطة 4-5-1 هي الحل

@@ عمر الغادي هو نجم الهلال الحالي ( الله يحفظة ) مجهود خرافي مهارات سرعة تغطية دفاعية محور ظهير وسط ايمن لاعب شامل ماشاء الله عليه ولكن لو يمشي كورتة بسرعة يطلع احسن واحد

@@ الشلهوب اتوقع ان اغلب ان لم يكن الكل يقر بانه افضل لاعب سعودي ولكن للاسف بعد مباراة العين غابت شمسه
فهل محمد كان هو السئ الوحيد في تلك المباراة ام ان هناك امور لا نعلمها !!!!!!!!!!!!!!!!

@@ كانيدنو متناقض من الدرجة الاولى فهو يقول انه لا يدخل جيوفاني لعدم جاهزيتة فهل الجمعان اليوم جاهز !!!!!!!

@@ الدعيع وماادراك مالدعيع افضل صفقة في تاريخ الكرة السعودية واتوقع انها ستبقى كذلك الى ان يرث الله الارض ومن عليها

@@ يابعد عمري يابو سلطان والله يخليك لنا ياقاهرهم

وصدقني انا حبيناك اكثر بعد ان خلعت ثوب المثالية وبدات ترد على كل من يسئ للهلال ولاعبية وجماهيرية ابوسلطان سر ونحن معاك على الدرب وتاكد ان هالاشكال ماينفع معها الا العين الحمراء