بقولها لك بكل صراحه اخوي وياليت تتقبل وجهات نظري

اولا هل المدرب اول مره في حياته يلعب بخالد عزيز في الظهير ؟؟؟

طبعا لا

طيب ليش يلعب بعزيز ظهير

السبب هو واضح انه ماعنده الا ظهير ايمن واحد لا يملك اللياقه الكامله لذلك يدخل بعزيز اللذي يتقن الادوار الدفاعيه
ومن ثم يدخل الصويلح ولكن من المفروض انه اخرج البرقان وقدم عزيز للمحور وادخل الصويلح
انا هنا اقول اخطاء المدرب في التغيير مو اخطاء في لعب عزيز ظهير مع اني مو مقتنع بوجوده ظهير لكن هذا هو الحل الوحيد له بتقولون لي الغامدي يلعب ظهير اقول لك ماينفع واللي يتابع عمر عن كثب يعرف انه ماينفع ظهير ابدا وثانيا الادارة ليش ماجابت ظهير على مستوى رفيع قبل البطوله والا شاطره في التحدي مع الناس الاخى بإحضار لاعبين عالميين في مراكز مانحتاجها وكيف الادارة تسمح لياسر بعمل مقابلة قبل المباراة بليلة وتستمر هالمقابله لحد الساعه 11 تقريبا

الشغلة الثانيه اخوي تقول سامي المفروض مايلعب وسامي كان متنرفز و و و
المدرب وش دخله ان سامي يتنرفز او يصرخ او او او ---- اقسم بالله لو مالعب بسامي كان الحين المدرب مقتول من الجماهير وانا متأكد واي مدرب في العالم لابد يلعب بسامي تدري ليش ؟؟

لأن المباراة نفسية اكثر منها تنافسيه ولما يتواجد لاعب بحجم سامي بين افراد الفريق راح يكون لهم دعم نفسي ومعنوي وراح يكون لاعب قائد فعلي في الملعب ولكن للأسف سامي فقد اعصابه واتضح للمدرب ان سامي ماراح ينفعه اليوم فكان مصيرة التغيير وهذي ماله شغل فيها المدرب


بالنسبة لمباراة النصر انا ماشفتها لتواجدي خارج المملكه ولكن شفت الاهداف وانت تعيب في لاعب اقل شي اقل شي اقل شي جاب لك هدف يعني مو هاجمه ضاعت والا في القائم لا ياخوي هدف صحيح وتعيب عليه ؟؟

خلاص تكفيه الحسنة هذي مع اني ضد ان الصويلح يلعب من بداية المباراة

ويا اخي العزيز من قال ان الهلال لعب بثلاث محاور امام العين

لما طلع الشلهوب نزل الغنام فأصبح المحاور الغنام - والبرقان والوسط الايسر كماتشو والوسط الايمن عمر

انا هنا توقت يكون وسط ايمن جيوفاني او نواف بدال الشلهوب وهذا خطاء على المدرب

يعني مباراة العين المدرب يتحمل في نظري 10% بسبب التبديلات وغياب نواف او جيوفاني عن التشكيلة

------------------------------------------------------------------------------------

طيب تعال معاي ياخوي وقول لي من المسؤل عن اللاعبين لما يمررون الكرة بينهم ولما يبنون هجمة ولما يركضون بدون كرة ولما يسددون على المرمى هل هو كاندينيو والا اللاعبين نفسهم ؟؟؟؟

----------------------------------------------------------------------------------

بعدين هل اي مدري تطالبون بإحضاره راح يعرف خوافي الهلال ؟؟؟

حتى كالديرون مايعرف الا بس 40 % عن الفريق ويوردانيسكو مايعرف الا 25 % تقريبا عن الهلال يعني بأي مقياس توقعتوا نجاحهم مع الهلال ؟؟؟؟

ارجوا ياخواني اننا نبحث عن استقرار الهلال مو عن زعزعته وبس

والله مستغرب كيف الصحافه قدرت عليكم يازعماء وخلت عقولكم تتجه للمدرب بس وتتناسون ان الادارة لها نسبة كبيره وان اللاعبين لهم نسبة اكبر من الخطاء