مشاهدة مشاركة بصفحة مستقلة
  #86  
قديم 11/03/2006, 11:57 AM
ازرق وهلالي انا ازرق وهلالي انا غير متواجد حالياً
زعيــم متواصــل
تاريخ التسجيل: 26/08/2005
مشاركات: 51
وش ذنب كندينيو اذا كان هذا الموجود

السلام عليكم ورحمة الله وبركاته


والله ياشباب اول مره اكتب موضوع في العاده اقرى واحيان ارد لاني مااملك ذيك الخبره في الرياضة صراحة
بس اللي خلاني اكتب هالمره اللي اشوفه واقراه من مواضيعكم اللي تناقض بعضها وبعضها تناقض الواقع والعقل
كثير منكم ارجع سبب الخساره لكندينيو والبعض حطها في بعض اللاعبين مثلا البرقان انا في اعتقادي الشخصي ان البرقان ادى واجبه كما ينبغي طيب وش اسباب الخساااااره هذا هو المهم واللي كلنا نبي نعرفه انا اقولكم اللي اعتقده وانتوا عاد احكموا...............

اولا خلونا ناخذ كندينو........
انت يالقارئ العزيز حط نفسك مكان كندينيو لك ثلاث او اربع مباريات تحاول توضح للاداره ان ماعندك ظهير يمين
وكلنا شفنا هالشي مره يلعب بالصويلح ومره بالياس ومره خالد عزيز وفي ظل هالتخبطات تروح الاداره وتتعاقد مع لاعب وسط لا والعله الاخرى تجيب ظهير يسار وانت عندك ظهير يسار رااااائع مثل الخثران, اسالكم بالله لو جابت الاداره محترف ظهير ايمن بدل جيوفاني والموسى مو افضل مو يعني كلامي ان جيوفاني والموسى سيئين بالعكس لاعبين لهم وزنهم ولاعبين لهم كل احترام بس المقصود من الاحتراف هو استفادة الفريق مو تجيب فائض الصراحه تنقال الوسط عند الهلال مليان نجوم ورجال قادرين يملؤن الفراغ واليسار في الخثران يعطيه الف عافيه مغطي خانته وقايم بواجبه على اكمل دور اوكيه انا معكم انه مافيه بديل للخثران في حالة عدم لعبه لاي ظرف كان بس فيه علة اكبر انت مقبل على الاسيويه وماعندك ظهير يمين تروح تجيب ظهير يسار ولاعب نص..............لاتعلييييييييق

اما ماحدث في مباراة العين تعالوا نرجع نتذكر المباراه
نزل كندينيو في تشكيله هي الافضل من بين الموجودين يمكن البعض يقول لا ليش مالعب الياس بصراحه اقولها واللي يزعل مني ابي اقوله خل نكون واقعيين شوي........ الياس مو من مستوى طموح الهلال بل هو اقل من العادي
والصويلح كلنا متفقين انه موجاهز لياقيا وفنيا
طيب من عندك ماعندك الا عزيز واحتفظ بالتمياط والصويلح والمباركي والنجوم الاخرين كاوراق رابحه انت كذا ميه ميه ياكندينيو..................
طيب وش اللي صار...... مشت عشرين دقيقه من المباراه وكلنا شفنا نرفزة عزيز لان عزيز لاعب وسط مدافع من الطراز الاول ونسى خانة الظهير وحدثت الكارثة حصول فراغات كبيرة من جهة اليمين استغلها العين بل ركز على الهجوم من ناحيتها وحصل خالد عزيز على بطاقة صفراء
اجبر كندينيو على اخراجه وادخال الصويلح (خلك مركز معي شوي)... وبذلك خسر تغيير وتغيرت الخطه اللي كان مخططها......
طيب يوم غير عزيز وش صار الصويلح لياقته ضعيفه مايقدر يهاجم ويدافع لازم يعزز الوسط وش يسوي ماعنده الا حل واحد يسحب الشهوب وينزل الغنام طيب على حسب ماتملكه ياكندينيو من لاعبين عندك في الاحتياط انت كذا ميه ميه
طيب اسالوا نفسكم كندينيو كان عنده التمياط واحمد الصويلح وفهد المباركي ومحمد العنبر كاوراق رابحه ومابقى عنده الا تغيير واحد
والمشكله ان الموسى معه اصفر ويمكن في اي لحظه ينطرد وش يسوي ................

هنا تلخبطت كل الاوراق
وفي رايي الشخصي ان اللي يستحق الدخول في تلك الظروف هو ..................
مافي شك ان احمد الصويلح الوحيد اللي يستحق النزول لانه نشيط ماشاء الله عليه ويستطيع في حالة لاسمح الله طرد الموسى ان يغطي خانته وفي نفس الوقت عنده امكانيات الرجوع للوسط ومساندة الهجوم في نفس الوقت
يعني ان كندينيو بهذا التغيير الاخير غير ثلاث تغييرات نزل لاعب وسط ومدافع ومهاجم في تغيير واحد
لانه زي ماشفنا تغييرين لكندينيو اجباريين وتغيير واحد هو اختاره وكذا خلصت التغييرات القانونيه
برااااااااااااااايكم هل فعل كندينيو الصواب وبرايكم من هو سبب خسارة الهلال......

واحب او ضحلكم وش سوى العين قبل الدوره
راجع خطوطه ولقى ضعف في الوسط وراح جاب الاعب دياكييه من نادي الجزيره كاعاره... وصالح عبيد كاعاره ايضا من نفس النادي ...............

واعذروني على الاطاله .......................