نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - في كل مكان:نجادل الجميع من أجل لقب الزعيم. ولاعبونا للأسف آخر من يهتم!! لاعاد تتحمسون

أبولافي الهلالي · #8 10/03/2006, 09:01 PM

الهلالي بو ساره ..

يسعد مساء انت حليته /

يوم الاربعاء كان عندي تطبيق بمستشفى الى الساعه 6 ومع زحمات الرياض ما راح اوصل الى بعد بداية المباراة ..

ومن صباح الاربعاء وانا قاعد احكي للسوبر فايزر الاسترالي عن الهلال ولاعبينه وانجازاته وانه وانه وانه ..

عشان اذا شحذته امشي مبكر يحس فيني ..

كان الرجل السوبر فايزر هذا توه مسلم (( حديث عهد )) ..

سألني تصور .. عن اسلامهم .. فقلت يا رجل حنا ديار مسلمه كل مجالاتنا لازم تلقى فيها شيوخ ومطاوعه (( خليت لاعبين الهلال كلهم شيوخ )) .. كل هذا عشان اطلع واتمتع بالزعامه / عشان أهدي للفريق العيناوي كل لقب الا لقب الزعيم ..

..

فعلا طلعني مبكر مع الالحاح حقي /

طلعت وأنسكرت كل طموحاتي الربوعيه الجميله / ماتت روح الاربعاء كما ماتت قدامي روح لاعبينا ..

..

صرت أطلع في ياسر يكسر من الخلف لأول مره /

شفت كامل الموسى يدخل على الركبه ويترك الكوره /

شفت واحد مليون بالميه مو سامي الي يخاف على سمعة الهلال /

شفت تفاريس يطالع في المهاجم يحضن ع الكورة ويهدينا سكته قلبية في شباك الدعيع .. وكأن تفاريس من الجمهور ..

شفت كندينيو ينهي كل أمالنا /

شفت وشفت وشفت /

ومن كثر ما شفت أظن أني بحب يوم الربووع من ثاني ..

أبو ساره ..

أقسم لك بأني لم أرى سوى أشباه لاعبين يحملون قمصان جديده جميله زرقاء /

رأيت ياسر القحطاني بدون أي تمركز /

رأيت أحمد خليل وتفاريس يمارسون كامل الرعونه أمام مرمى العين في ركنيتين /

رأيت خالد عزيز يتحدى الحكم ويقول أتحداك تعطيني أحمر !!

صدقني لم اعرف من لاعبين الهلال سوى محمد الدعيع ..

..

بنسبه للوطنيه / يا رجل بأساليبهم جعلونا سعوديين في الواجبات التي علينا ..

لكن في حقوقنا .. أصبحنا من دوله ليست السعوديه

/ آنا اسف وانا اقول هالكلمه / لكنها كلمة حق

لو بالوطنيه التي يرسمونها هم .. لو كان بها خير ..

لما اصبحت بلا معدل في مدارسهم ..

شكرا ابو ساره