إقتباس اولا : دوري مافيه مهارات ,,, يعني متعه مافيه وهنا لا أحصر المتعه بالمهارات فقط المتعه لها عوامل

وش اللي ماعنده مهارات ؟؟ اجل وش اللي عنده تكسير زي بعض الدوريات ..

إقتباس ثانيا : دوري مافيه دفاع يعني ضعيف دفاعيا ,, لاتقولي لأنه يعتمد على الهجوم حتى لو اعتمد الدوري على الهجوم المفروض انه يكون صلب دفاعيا

مادري اذا قاعد تستهبل ولا تتكلم من جد دفاع تشيلسي وش تسميه اضعف دفاع .. وفريقك ماشاءالله دفاع حديدي ثلاثة اهداف في ستة دقايق

إقتباس ثالثا : دوري مافيه مدربين بأستثناء واحد ولا ثنين عكس الايطالي الايطالي المدرب يلعب دور كبير بإختصار ( الدوري الايطالي دوري مدربين ) فيه تكتيك

والله افضل مدرب في العالم (مورينهو) يكفيك .. اذا حطينا مدربين عالميين مثل بنيتز مدرب ليفربول وارسن فينقر على جنب .. وخصوصا مورينهو اللي قاعد يفاوضه الميلان ليحل بديلا عن انشيلوتي (التكتيكي)

إقتباس رابعا : دوري يكون الفرق بين المتصدر والثاني عشرين نقطه ؟؟؟؟؟؟؟؟؟؟؟؟؟؟؟؟؟

اولا هي مو عشرين نقطة بل 13 .. وهذا يدل على كرهك الأعمى للدوري .. ثانيا اشوف الفارق بين اليوفي ومنافسيه نقطتين

إقتباس خامسا : مافيه تكتيك مافيه تسحيب مافيه فن وابداع كلله شوت ودفاع خرابيط وحراس قسم بالله اني اشوفهم واضحك عليهم اقسم بالله هذاني احلف

احسن حارس في اوروبا (تشيك) صار خرابيط ؟ وبعدين مين قالك مافيه فن وابداع والله دوري جميل جدا بس ايش اسوي عشان اخليك تقتنع

إقتباس سادسا : ترى الإعلام يعطي دور كبير واقرب مثال شف الدوري الإماراتي

لا يعطي دور ولا هم يحزنون بس انت الله يهديك تتوهم

إقتباس سابعا : هات لي انجليزي احترف بإيطاليا ونجح على مر التاريخ انا بعلمك اسطورتهم بول انس احترف بالدوري الايطالي تدري انه قعد موسم وكل هالموسم الصحافه وش يحطونه اسبوعيا ؟! كانوا يحطونه حمار الاسبوع الله يكرمك ويكرم من يقرأ ,, فشل في ايطاليا فشل ذريع

انا ماتكلم عن الاعبين الأنجليز .. انا اتكلم عن الدوري الأنجليزي .. وش دخلني في الاعبين الأنجليزين

إقتباس ثامنا : لهم نفوذ بالفيفا عشان كذا شفتهم حاطين دوريهم احسن دوري بالعالم وعلى فكره مااخذها الا هالسنه يعني

إقتباس تاسعا : يكفيك كلمة جوزيف بلاتر ( اعطوني جدول الدوري الانجليزي احدد لكم النتائج )

شوفوا التناقض ياناس .. تقول ان عندهم نفوذ في الفيفا اوكي اجل ليه يستهزء بلاتر في دوريهم بدل مايمدحه ؟ وعلى فكرة ترى بلاتر مايدري عن الكرة شي صدقني ولو كان صادق كان سلم هنري (ولد دوري النفوذ ) جائزة افضل لاعب في العالم ..

إقتباس عاشرا واخيرا : تشجيعهم يجيب المرض وهذي عوامل فشل الدوري ,, يبي لهم درس بميلانو ولا بروما

هههههههه طيب انت وش اللي يعجبك ؟ طلقات النيران .. رجم الاعبين بالصواريخ (ما حصل لديدا مثلا ) .. القفز الى الملعب .. تخريب الملعب اثناء الهزيمة .. هتافات عنصرية .. والكثير الكثير ..
جماهير الدوري الأنجليزي لايقارنون اطلاقا مع الأيطالين فرقهم فرق السماء والأرض .. بالله قولي متى شفت افعال شينة من الجماهير في الدوري الأنجليزي ؟ ياخي جماهير رائعة جدا ومهذبة وماعندها الى تشجيع فريقها لا هتافات عنصرية ولا خرابيط .. واذا انهزم فريقها تروح بدون إفعال المشاكل لأنها تؤمن بان الكرة فوز وخسارة اما بعض الجماهير (الا ونفوز ) ..
حتى الغبي يميز بين الجماهير والله غريب انت ياطيب

اخيرا وليس اخرا احب اقول اني ماقصد ازعلك .. حبيت بس اعلمك شوي
عن الدوري الأنجليزي مع اني متاكد مليون بالمية انك عمرك ماراح تقتنع
وتعبي بيروح على فاضي بس يلا تعب الحبيب مثل اكل الزبيب :p