حبيت ابين للجميع شي معين واتمنى هالشي ما يخلي قلوبهم قاسيه على بعض الاعبين دايم الجمهور يتضايق من لاعب معين اذا ما قدم اداء ولا شي ويعتبون على المدرب وعلى الاداره بس مافكرو وش سبب هالاشياء الي تصير عشان الاعب ينزل مستواه وياما لاعبين كانو جيدين مره وبالاخير تجيه اصابه ويجي واحد غيره ولما يشفى من الاصابه يكون البديل حل مكانه وبالنهايه مكانه بالاحتياط واخر شي ينزل مستواه وهو بهذا الوقت بيكون محتاج للمباريات عشان يرجع مستواه مثل ماكان واحسن احنا بانديتنا صرنا نفضل الناس الي يجون من برى النادي من المحليين او غيرهم والاعب البديل غيره كان احسن منه !!! وش ذنب الاعب اذا الاتحاد السعودي سامح بثلاث تغييرات مع الحارس اذا عندك بالاحتياط اكثر من اربع او خمس لاعبين كلهم جيدين ومستواهم معروف وبالاخير يلعب ثلاثه منهم والباقين يجلسون يتابعون ومباراه عن مباراه ويمر الوقت وبالاخير يلعب له من ست او سبع مباريات مباراه وحده بس او ثنتين منهم ؟؟؟ غير الحراس يروح مستواه وهو جالس بالاحتياط ينتظر الحارس الاساسي تجيه اصابه ويطلع عشان يدخل مكانه ويبرز نفسه وهو اصلا يكون حارس ومستواه حلو مره صرنا الحين نحتار عندنا فهد الشمري والدعيع برضو بيرجع وحسن العتيبي بيرجع باذن الله بعد ما يتشافى من الاصابه وكلهم ما شاء الله مستواهم حلو مره بنصير نختار منهم مين يمسك حارس ؟ الدعيع حارس كبير وفهد الشمري برضو حارس كبير وحسن العتيبي برضو كبير انا حبيت ابين للجميع ان مستوى الاعب لما يتدنى اعرفو ان السبب الحقيقي هو عدم المشاركه بالمباريات الا بعدد قليل منها بس وهالشي يضر بمسيره لاعبينا وهالشي صاير كثير بين الانديه انا اطلب من الجميع انهم يوقفون وقفه وحده ان الاتحاد السعودي يرفع عدد لاعبين الاحتياط عشان تتيح لباقي الاعبين يبرزون مستواهم داخل الملعب المدربين صارت تتشتت افكارهم لما احد من الاعبين او الحراس تجيه اصابه ويكون مغير كل التغييرات بوقتها بتتلخبط الاوراق ومين ياكلها اخر شي النادي ونخسر نقاط الحين المباريات الوديه يسمحون بست تغييرات وهي وديه والمباريات الدوريه المهمه تصير ثلاث هنا الي يقهر مابي اطول عليكم بالكلام نبي وقفتكم يا زعيمنا ونبي اصوات الجماهير لان اصوات الجماهير هي الي بتنقذ الموقف ولو كل نادي منا اعطى صوته كان نوادينا بالف خير والكرة السعودية بالف خير واسف على الاطاله .
