السلام عليكم ورحمة الله وبركاته

قبل كل شيء اعرفكم بنفسي .. أنا ( د . حـجـازي ) العضو في ساحة الإقلاع
من فترة ماهي بعيده صممت شعار أو بمعنى أصح ( توقيع ) عشان الهلاليين في تواقيعهم الشخصيّـة

وانتشر هالتوقيع او الشعار بشكل ما كنت اتوقعه وأتوقع انه انتشر في منتديات أخرى .. بالرغم من بساطته
وقوّة معناه ..

واليوم جاني عضو أعرفه في المنتدى اللي اشارك فيه وقال لي انت اللي صممت الشعار ( عشقاً لاينتهي ) ؟؟
قلت له ايه انا اللي مصممه .. قال اني كنت بمحل رياضه ولقيت نفس الشعار اللي انت مصممه مطبوع على شنطة
رياضيّه وكمان قال لي انه نزل على شكل ( استكرات ) .. !!

بدون أي اذن مني وبالرغم اني منزل عليه ( توقيعي ) اللي استخدمه للتصاميم الهلالية وغيرها ..
كثير طالبوني اني ما اسكت على حقي .. واستخدام ( تصميمي ) بغير وجه حق وبدون اذن مبسق ..

واعذروني ان كتبت هالموضوع الأول لي بعد غيبه طويله من عام 2001 ايام تسجيلي بالمنتدى هنا ..
لكن قلت مالي الا الله ثم انتم لان هالموقع ( الموقع الرسمي ) للهلال .. وحبيت آخذ رأيكم وياليت أي أحد مسؤول
هنا يقول لي شلون اتصرف او على الاقل آخذ حقي .. !!

الموضوع اللي نزلت فيه هالشعار موجود عندي ومؤرّخ بتاريخ المنتدى وبالساعه في منتدى الهلاليين هناك ..
وكل من رد أو حطه في توقيعه شاهد على ان هالتصميم لي ..

هذا هو الشعار اللي صممته



وهذي هي الشنطه اللي عليها شعاري الي صممته
واللي جاتني صورتها اليوم من نفس العضو اللي كاتب اسمه على الصورة





أتمنى تساعدوني .. عشان استرد حقي !!

كل الشكر والتقدير لكم