ابو فهد سلامات وش اللي مغربلك على الرجال
انا شايف الحلقه كامله والله ثم والله ما أساء للهلال ككيان ولا اساء لمحمد الدعيع ولا حتى لسامي
ابي اعرف وش قال في سامي حتى يزعلك
الحين عبدالله الدبل اللي الوحيد اللي مصر على ان الهلال ثاني فريق يتاهل لانديه العالم من جميع الرياضيين باستثناء الهلاليين
ومع ذالك يجيه سب وقذف وكلام مايليق بشبكة الزعيم
مع احترامي لشخصك الكريم وللمشرف اللي ثبت الموضوع الا انكم اخطيتوا في حق الرجال
انا شايف الحلقه كامله والرجال قال الكلام اللي يملي عليه منصبه باجابات دبلوماسيه وكان يحاول انه مايسيئ لاحد
الا عند اتصال عدنان جستنيه رد عليه الدبل الرد اللي يستاهله جستنيه يوم قال مالك حق انك تملي علي اللي سويته واللي بسويه
هذا الفقره الوحيده اللي اجابها الدبل بكل شجاعه بصراحه
اما على موضوع حارس القرن الادمي قال انا ماسمعت على كل سنواتي ان فيه جائزة لحارس القرن
ماهو معنى كلامه انه اساء لمحمد الدعيع بالعكس هو قال اتمنى ان الجائزه تكون فعلا وجدت لانه مايستحقها الا محمد
وارجع للحلقه وتقريبا في نهايتها
اما الاعضاء اللي ردوا بالموضوع واساؤوا للرجال واتهموه اتهامات ماتليق اولا بشكبه الزعيم
ولا بجاهير الهلال ولا حتى لشخص كعبدالله الدبل في مكانته الدوليه والاسيويه والمحليه
يالربع لا تاخذكم العواطف ويصير الواحد منكم يقول اللي في قلبه كانه يردد او كان شخص يملي عليه
اقسم بالله اني احترق قهر ان الهلال محروم من لقب نادي القرن ومع ذالك ماحملت احد مسؤوليه غير ابن همام
اما عبدالله الدبل فالله يكثر من امثاله ويكفيني انا شخصيا انه في نفس حلقة المواجهه قال ان البطوله اللي مثل فيها الاتحاد اسيا في بطولة انديه العالم
من وجهة نظره انها الثالثه ورد عليه بتال وقال جميع الاعلاميين بمن فيهم طلال ال الشيخ والتويجري قالوا انها الثانيه
رد وقال وجهة نظرهم اما انا فاعتبرها الثالثه كون ان البطوله اللي تاه للها الهلال اقيمت القرعه والملاعب والمستضيف
ليش تركتوا ايجابيات اللقاء وركزتوا فقط على السلبيات او بالاحرى الزلات اللي اعتبرها غير مقصوده
الا بعض الامور اللي ماتستحق ان الواحد يسب الرجال ويجرح في شخصه
كبروا عقولكم يالربع ,,,, ترا من تالي صرنا نشوف السب والشتم في شكبة الزعيم
رجاءا الشبكة في غنى عن هالكلام بلاش تشويه صورتها
تحيه للجميع