أنت كويس يابو ساره .. وممكن أسميك فخر الكويسين بعد
ابو ساره .. أنت تتحدث عن فئات وليست فئه واحده في هالمنتديات .. وسبق ناقشت ابو عبدالعزيز فيها
أنت تتكلم .. عن المندس .. وعن المراهق .. وعن اللي ماعنده إسلوب .. وعن السوسه .. وعن الشخص اللي يطبّق قاعدة خالف تعرف .. وعن اللي داخل المنتدى يقطع وقت ولا يدري وين الغنم سارح
بالعربي الفصيح << مالها سنع بس قل ايه ... لا تدقق مع هالنوعيات .. والكتّاب الواعين معروفين ولله الحمد وفي كل المنتديات الهلاليه ( إلا بعض المنتديات الديمقراطيه أجارنا الله وإياكم
) ويوخذ منهم العلم .. ولا عليهم خلاف .. وصدقني نسبه كبيره من الأعضاء أهم ماعليها تصفّح المواضيع المثبته ( الصفوه ) .. والصفوه ولله الحمد منتقاه بشكل رائع ومنسق ومتعارف عليه بشكل يخدم الهلال ومصلحته .
على العموم .. يوم ماجاء الزايري قلنا لعلها خيره ... وهذي هي الخيره إن شاء الله تعالى .
لكن تركيزك على كماتشو مهوب زين للقولون يابو ساره
.. تبي تنقلب تحدي الشغله .. وحتى الهدف اللي يسجله منتب فرحٍ فيه مره ;)
