|
الشلهوب الموهوب هز القلوب .. (( صور من الملعب )) + تصريح خاص للشلهوب والقحطاني
السلام عليكم ..!!
في ليلة أبدع فيها الأزرق وأمتع ..!!
كنا متواجدين بقلوبنا و (( أجسامنا  )) .. مع الأزرق ..!!
مستوى جميل .. ولو كانت هناك بعض الأخطاء .. لكن بمثل هذه اللقاءات لا يهم المستوى ..!!
ألف مبروك لكافة الجماهير الهلالية الفوز والتأهل ..!!
وكل الشكر لمن حضر وساند وشجع وآزر .. وشكر خاص للمبدع (( أبو خليل )) ..!!
==========================
طيب ...
أمس وقبله وقبله .. في لقاء الشلهوب في جريدة شمس .. طلع لي بعض الجمهور (( الغير واعي )) .. يقول ان الشلهوب مستواه طايح .. وخصوصا بآخر المباريات .. والمشكلة نسوا وش سوى الشلهوب قدام فالنسيا .. والشباب .. وأبها .. والأنصار ..
وجا رد أبو بندر أمس على الحاقدين .. بهدف صاروخ أرض جو من خارج منطقة الجزاء .. و ( فاول ) على الطريقة العالمية وقفت العارضة بطريق دخوله للمرمى .. وتسدية ثانية برضو بالعارضة .. ولعب ممتاز ومستوى جميل .. تمرير .. تسحيب .. تصليح .. مهام هجومية ودفاعية .. (( بتاع كلو )) ..
فهل يسكت الحاقدين على الشلهوب ؟؟ 
=====================
البارحة أدينا واجبنا .. وحضرنا لمساندة الزعيم من الساعة الخامسة والنصف ..
وإليكم بعض ما التقطته (( عدستي الموقرة )) .. من أحداث اللقاء ..!!
===================
صور من المدرجات .. للجمهور الكبير والرائع اللي ما قصر ..!!
صور من أرضية الملعب ..
تسخين الفريق قبل المباراة
اللاعبين يحييون الجماهير
صراع على الكرة أمام مرمى الدعيع
ياسر يحاول المرور من لاعب قدساوي
خطأ قدساوي
الشلهوب يستعد للعب (( الفاول )) اللي هز العارضة .. وهز معها قلبي 
نقاش مع الحكم .. عند احتسابه لخطأ داخل منطقة الجزاء
البرقان يمرر الكرة لعزيز
الشلهوب يحاول المرور .. وياسر يترقب
==========================
صرح اللاعب الموهوب محمد الشلهوب لي شخصياً بعد المباراة .. قائلاً ..
(( الحمد لله على الفوز .. وكل مستواي اللي قدمته الليلة أهديه للجمهور الهلالي الكبير واللي بصراحة ما قصر بتشجيعنا والحمد لله قدمت مستوى ممتاز يرضي نفسي أول شي ويرضي الادارة والمدرب والجمهور .. وانا خشيت المباراة وناوي أترك فيها بصمة والحمد لله تحقق هذا الشي .. وما أنسى جهود الشباب اللي ما قصروا وقدموا كلهم مستوى حلو .. والف مبروك لسمو الأمير محمد بن فيصل والادارة .. وان شا الله يحافظ الهلال على اللقب )) ..
وصرح ياسر القحطاني قائلاً ..
(( أحب أشكر من كل قلبي الجمهور الرائع اللي حضر وساند .. وشجعني أنا شخصياً .. وخاصة انهم رفعوا معنوياتي بعد ما ضيعت (( البلنتي  )) .. والحمد لله قدرت أعوض .. وقدمت مستوى حلو وصنعت الهدف الأول .. والحمد لله على الفوز .. ولا أنسى أشكر كل اللاعبين والادارة والجهاز الفني .. وكل الجمهور الحاضر مرة ثانية .. وبالتوفيق ان شا الله )) ..
===============
أتمنى إني أكون وفقت في نقل بعض الأحداث بالكتابة والصورة من المباراة ..
وسامحونا على القصور ..
محبكم .. (( عبدالله )) ..!!  | 